VOV4.Bahnar - Đơ\ng ro\ng je# 5 xơnăm pơm kiơ\ Tơdrong pơkăp jang kơ teh đak găh tơjur hin dơnuh kơjăp xơđơ\ng (jăl jang 2016-2020), kơso# unh hnam hin dơnuh tơ\ Gia Lai hlôi tơjur đơ\ng 19,7% oei pă tơ\ hơla  4,5%. Mă kăl tơ\ dôm pơlei pơla kon kông đei kơso# unh hnam hin dơnuh tơjur đơ\ng 40,2% oei pă tơ\ hơla 6,5%; kon pơlei hlôi tơplih đon kơche\ng, trong pơm jang; tơplih hơdre\ch ‘long pơtăm; pơjing tơdrong pơyua, hơto\k io\k yua xơđơ\ng kơjăp. Tơdrong đei jơnei âu hlôi ăn [ôh dôm tơdrong adrin đơ\ng Đảng [o#, jơnu\m pơgơ\r tơring dôm jăl lơ\m dêh char, lơ\m tơdrong tơle\ch jang đei jơnei dôm pơkăp jang tơjủ hin dơnuh.

‘Me răh khul bơbe kơ unh hnam xa ‘nhe\t, pơmai Sang, oei tơ\ pơlei Chrơng 2, xăh Đăk Ta Ley, apu\ng Mang Yang chơt hơ iă tơroi răh găh tơdrong yak hloh tơnap tơnap tap klaih đơ\ng hin dơnuh kơ unh hnam po. Pơmai Sang ăn tơbăt, unh hnam pơmai đei 2 ha mir, mă lei lơ noh pơtăm [um [lang păng [a mir, noh lơ xơnăm duh ưh kơ ke\ klaih đơ\ng pơngot ăh khei tơje# kăt [a, tơdrong erih rim năr tơnap tap, kơ[ah tôm tơdrong. Xơnăm 2018, klo hơkăn pơmai Sang đei Anih vei lăng kon pơlei xăh axong ăn 2 to\ bơbe yo\ng. Đơ\ng ro\ng je# 2 xơnăm mong đei, dang ei unh hnam pơmai hlôi đei 8 to\ bơbe. Duh gơnơm đei kang [o# choh jang xa tơ\ xăh chă hơlêm, pơtho noh pơmai Sang kh^n to\k io\k jên jang đơ\ng Anih mong jên tơgu\m tơpôl vă pơtăm 1 ha kaphê. Pơmai Sang ăn tơbăt, đơ\ng ro\ng lơ xơnăm adrin, je# đ^ xơnăm 2020 âu, unh hnam pơmai Sang hlôi klaih đơ\ng hin dơnuh: “Bơnê kơ jơnu\m pơgơ\r xăh hlôi tơgu\m unh hnam inh bơbe yo\ng păng unh hnam inh kơdih răt 2 to\ dơ\ng vă rong. Truh dang ei 6 to\ bơbe chông đei 13 to\ bơbe kon. Unh hnam bơnê kơ  Đảng, Teh đak hlôi tơre\k tơgu\m ăn unh hnam inh”.

Gia Lai đei tong ane# kơso# kon pơlei kon kông, mă lơ noh bơngai Jrai păng Bahnar. Xơnăm 2015, kơso# unh hnam hin dơnuh kơ dêh char noh 19,7%. Lơ\m noh, đei hloh 40% unh hnam hin dơnuh jing bơngai kon kông. Yuơ noh, tơdrong jang tơjur hin dơnuh tơ\ tơring âu hơnơ\ng đei Đảng [o#, jơnu\m pơgơ\r tơring xơkơ\t jing xơnong jang kăp g^t. Lơ\m 5 xơnăm đơ\ng 2016 truh dang ei, kơso# jên pơm jang kiơ\ Tơchơ\t jang kơ teh đak găh tơjur hin dơnuh kơjăp xơđơ\ng tơ\ dêh char noh 1268 tih hlj; Anih jang kơpal kơ dêh char Gia Lai tơle\ch Tơchơ\t kơso# 05-NQ/TU năr  12/4/2017, găh tơjur tenh păng kơjăp xơđơ\ng unh hnam hin dơnuh lơ\m tơpôl kon pơlei kon kông đơ\ng xơnăm 2017-2020 păng xơkơ\t truh xơnăm 2025. Kiơ\ kơ noh, dôm tơdrong jang tơjur hin dơnuh lơ\m tơdrong ako\m jang tơgu\m unh hnam hin dơnuh kơ dôm tơring nhen hnam oei, tơplih hơdre\ch ‘long pơtăm kon yo\ng, hơto\k pơ ‘lơ\ng tơdrong erih, pơ ‘lơ\ng găh tơdrong vei lăng y te#...

Hăm tơdrong jang hadoi đei jơnei tơnăp đơ\ng dôm tơdrong pơkăp jang, kơtă hăm dôm xăh adrol ki tơnap tap, tơdrong jang tơjur hin dơnuh duh đunh đai hloh. {ok Lê Văn Cửu, Kơdră Anih vei lăng kon pơlei xăh Ia Dreng, apu\ng Chư\ Pưh ăn tơbăt: “Hăm tơdrong ke\ đei, nhôn hlôi pơm trong hiôk ăn kon pơlei tơplih hơdre\ch ‘long pơtăm, pơm trong hiôk ăn kon pơlei to\k io\k jên jang hơto\k mu\k drăm, rong rơmo, rong nhu\ng. Truh dang ei nhôn oei 102 unh hnam hin dơnuh, đei  6,71%.”

Yă Rơcom Sa Duyên, Kơdră Anih Axong jang Linh j^ rơka păng Tơpôl dêh char Gia Lai ăn tơbăt, kơche\ng truh je# đ^ xơnăm 2020, kơso# unh hnam hin dơnuh kơ dêh char Gia Lai oei tơ\ hơla 4,5%, mă kăl noh kơso# unh hnam hin dơnuh lơ\m tơpôl kon pơlei kon kông gô pơkăp oei pă tơ\ hơla 6,25%. Tơgăl kơ pơma noh, truh dang ei, tôm unh hnam mă teh đak tơchơ\t tơgu\m oei tơnap tap tơ\ dêh char, adoi klaih đơ\ng hin dơnuh. Kiơ\ kơ yă Rơcom Sa Duyên, lơ\m khei năr truh, rim tơring kăl pơtoi tơre\k truh vă rim kon pơlei ưh đei hin dơnuh dơ\ng bơih: “Unh hnam tơje# hin dơnuh păng unh hnam hin dơnuh ‘nao klaih đơ\ng hin dơnuh oei lơ tơnap tap. Hơbo\ đe ye\t jing rơhiu\ng rơhiăng dơ\ng. Anih jang hơnơ\ng pơgơ\r, tơbăt dôm tơring tơre\k truh 2 khul âu, pơtoi tơle\ch dôm trong jang vă unh hnam hin dơnuh hơto\k pơm jang, hơto\k io\k yua, klaih đơ\ng hin dơnuh kơjăp xơđơ\ng hloh.”

Hăm dôm tơdrong adrin kơ tôm anih jang ch^nh tr^ tơ\ tơring, tơdrong jang tơjur hin dơnuh lơ\m tơring kon pơlei kon kông tơ\ Gia Lai to\k bo\k oei đei jơnei hơ iă, pơm tơplih tơdrong erih kon pơlei, mă kăl noh tơ\ dôm tơring ataih yaih.

Lan chih pang rapor