VOV4.Bahnar -  Lơ̆m năr lêh 30-4 păng ‘năr 1-5 âu ki, rim anih jang, tơ ring lơ̆m dêh char Gia Lai pơm kiơ̆ tơ drong hơ găt găh tơ drong ư̆h kơ pơ gơ̆r dôm tơ drong ngôi pơ chơt, akŏm lơ bơ ngai, pơm kiơ̆ rim tơ drong hơ găt găh tang găn jĭ Covid-19. Akŏp kơ sô̆ tơ moi tơ mang lăng tơ̆ dêh char lơ̆m năr lêh jô̆ pơ hlom đei 23.370 ‘nu, tŏk 2,9 ‘măng pơ têng hăm sơ năm 2020; akŏp jên iŏk đei đơ̆ng tơ mang lăng jô̆ pơ hlom đei 4,5 ti hlak jên, tŏk 4 ‘măng pơ têng hăm khei ‘nâu sơ năm 2020. Tơ drong jang tĕch mơ dro tơ̆ rim hnam hô tel 1-4 hơ nglŏng, hơ nih ƀĭch pơ dơh đei bơ ngai răt hơ nih đei 90-100%. Tơ moi truh tơ̆ dêh char găh lơ đơ̆ng pơ lei tơm Hồ Chí Minh, Hà Nội, Đà Nẵng, Bình Định, Dak Lak, Bình Dương. Akŏp kơ sô̆ tơ moi ƀĭch pơ dơh tơ̆ rim hnam hô tel jô̆ pơ hlom dang 4.000 ‘nu, tŏk 2,9 ‘măng pơ têng hăm khei ‘nâu kơ sơ năm 2020. Rim kŏng ti tơ mang lăng ăn dang 140 ‘nu tơ moi.

Thuem: Tơ blơ̆