VOV4.Bahnar - Kơsơ̆ năr 18/6, Dơnŏ anih vei lăng kon pơlei kơ dêh char Gia Lai ‘nao đei Hla bơar tơchơ̆t kơsô̆ 812/UBND găh tơdrong jang kiơ̆ mĭnh ƀar trong jang tang găn jĭ Covid-19 lơ̆m chăl hle. Kiơ̆ kơ ‘nŏh, leng goong năr 19/6-2021, ăn asong bơ̆ jang dơ̆ng hăm mĭnh ƀar hơnĭh tĕch mơdro lơ̆m dêh char. Kiơ̆ hla bơar pơtho tơbăt, Gia Lai hơnơ̆ng pơdơ̆h dơ̆ng rim tơdrong jang kơ rim kuan ƀar, hơnĭh jŏh asoang, karaoke, rim hơnĭh massage dĭng trŭh đei nơ̆r tơbăt ‘nao. Đơ̆ng leng goong năr 19/6/2021, ăn asong bơ̆ jang dơ̆ng hăm mĭnh ƀar hơnĭh mơdro sa nhen: rim hơnĭh pơtrŭh tơdrong pơm ngôi điên tư, game online, rim hơnĭh tĕch mơdro internet, dơnau glơi, hơnĭh pơm pơ joong, spa, hơnĭh pơdăh phim, hơnĭh pơhrăm tơplŏng kơdau, hơnĭh pơhrăm gym, yoga, rim hơnĭh tĕh bid, hơnĭh pơhrăm byŏh, hơnĭh pơhrăm jơhngơ̆m jăn pran jăng, mă lei kăl sơđơ̆ng ƀlep tơdrong pơkăp jang kiơ̆ kơ jăp nơ̆r athei jang kiơ̆ 5K đơ̆ng Dơnŏ anĭh tơm vei lăng jang pơgang adoi lăp ăn asong bơ̆ jang hăm 50% trong tơlĕch jang păng ư̆h kơ hlŏh 30 ‘nu bơngai tơ̆ 1 hơnĭh pơgơ̆r. Dêh char Gia Lai jei hơnơ̆ng vei kơ jăp 4 hơnĭh gak dăr lăng hơlen tang găn jĭ hơbŭh tơ̆ 4 trong tơm mơ̆t lơ̆m dêh char.

Tơblơ̆ nơ̆r: Amazưt