VOV4.Bahnar – Tơ̆ 'măng hop akŏm Hô̆i đŏng kon pơlei dêh char Gia Lai jăl 11 âu ki hlôi hơlen jên mong kơ dêh char noh 20 tih hlj vă axong ming hơmet Anih gru groa Tây Sơn Thượng Đạo (tơ̆ thĭ xăh An Khê). Kiơ̆ kơ noh, tơchơ̆t mă blŭng kơ tơdrong ming hơmet noh vă vei răk tơƀăk mong kơjă kăp gĭt gru grua kơ hnưr erih – joh ayŏ, ưh đei lê̆ anih tơmang pơhiơ̆ âu hư răm, ƀơm tơgar dăh mă ƀơm pơrăm; pơkăp dôm tơdrong kăl ming hơmet âu vă pơjing anih vei răk tơƀăk mong, akŏm joh ayŏ juăt jue kơ kon pơlei kon kông lơ̆m tơring; atŭm hăm noh tơguăt hăm tơdrong 'măn ăn tơmang pơhiơ̆, pơm trong hiôk ăn tơdrong jang juăt jue kơ kon pơlei kon kông. Tơdrong pơkăp axong ming man trong nơnăm mơ̆t truh anih tơmang pơhiơ̆, păng anih pơro đak djăh. Tơdrong axong ming hơmet gô đei tơlĕch jang păng keh đang lơ̆m xơnăm  2021 âu.

Lan chih păng pơre nơ̆r