VOV4.Bahnar – Truh dang ei, tơ̆ dêh char Gia Lai đei 7 lơ̆m kơsô̆ 14 tơdrong tơlĕch jang unh hơyuh đơ̆ng kial hlôi keh đang, tơmơ̆t hrau kiơ̆ pơkăp kơjă FIT (kơjă unh hơyuh tơgŭm) kiơ̆ Tơchơ̆t 39/2018/QĐ-TTg đơ̆ng Thủ tướng teh đak.

7 tơdrong jang đei: tơdrong jang Ia Pết – Đăk Đoa 1, tơdrong jang Ia Pết - Đăk Đoa 2, tơdrong jang Nhơn Hoà 1, tơdrong jang Nhơn Hoà 2, tơdrong jang Cửu An, tơdrong jang Ia Bang 1, tơdrong jang HBRE.  Hơkŏp kơsô̆ unh hơyuh đei pơm tơlĕch kơ 7 tơdrong jang âu pơhlom 563,4 MW. 'Nâu jing tơdrong tơlĕch jang unh hơyuh đơ̆ng kial đei yua kơjă răt unh hơyuh kiơ̆ Tơchơ̆t kơsô̆ 39/QĐ-TTg đơ̆ng  Thủ tướng teh đak, hơtŏ 1.934 hlj/ kWh, lơ̆m 20 xơnăm. 

Lan chih păng pơre nơ̆r