VOV4.Bahnar -  Pơtôch hop ako\m Ho#i đo\ng kon pơlei dêh char Gia Lai jăl 11,  dêh char Gia Lai đei jơnei hơto\k mu\k drăm xơnăm 2017 truh 7,5%; tơmơ\t jên mong ăn teh đak đei hloh 3.600 tih hlak jên; rim bơngai jang đei xa jên hloh 41 triu hlak jên; kơxo# unh hnam hin dơnuh tơjur tơ\ hơla 3% păng đei dơ\ng 20 xăh đei jơnei pơkăp tơring pơxe\l ‘nao, bri giơ\ng ‘lơ\ng đei hloh 46%. Vă jang tơnăp dôm tơdrong tơchơ\t tơle\ch, dêh char Gia Lai xơkơ\t dôm trong jang tơm noh: tơdrong choh jang xa hăm tơdrong ako\m pơtăm tơ ‘măl cà phê, pơih xă mir na jang kiơ\ trong jang ‘nao; jang tơnăp đei jơnei tơdrong hơmet pơ ‘lơ\ng cham char axong jang păng hơmet pơ ‘lơ\ng hành chính; atu\m hăm noh jang đei jơnei dôm tơdrong tang găn păng tơjră xa pơj^p.     

Lan chih păng rapor