VOV4.Bahnar – Pơyan phang xơnăm âu tơ\ dêh char Gia Lai đei unh xa bri pơtoi hloi, pơrăm truh dôm j^t ha. Bri ‘nao pơtăm [ơm unh xa, bri pơtăl lơ xơnăm kơ âu duh [ơm unh xa. Tơre\k hloh noh, minh [ar ‘măng unh xa bri đei đơ\ng tơdrong pơhơi pơho\ đơ\ng tơm bri.

          3 khei blu\ng xơnăm, tơ\ tơring bri kơ Jơnu\m vei hơlen bri hmo\ Đak Đoa, dêh char Gia Lai đei 2 ‘măng unh xa bri. ‘Măng unh xa je# âu hloh noh ăh năr 18 păng 19 khei 3, pơm je# 7ha bri hon kơdih păng pơhlom 3ha ‘long keo, tơ[ăr kon pơlei pơtăm [ơm unh xa pơgoh. Adrol kơ noh, ăh blu\ng khei 1, duh tơ\ Tơring bri âu, hloh 10ha bri ‘long hơngo pơtăm ăh xơnăm 2003, 2004 păng 2010 [ơm unh xa. Tơre\k hloh noh, tơdrong tơm đei unh xa noh yuơ đơ\ng tơdrong ưh kơchăng đơ\ng kơdih tơm bri, pơm jang ưh tro\ pơkăp găh xoh hơmet jih bri noh pơm ăn unh xa bri. {ok Nguyễn Hồng Quân, Pho\ kơdră Jơnu\m vei hơlen bri hmo\ Đak Đoa xơkơ\t: “Tơdrong âu đei noh yuơ anih jang chă pơkăp jang hăm bơngai io\k choh hơmet xoh jih bri vă tang găn unh xa bri ăh xơnăm 2018. Khei năr tơle\ch jang noh je# đ^ khei 12. Lơ\m tơdrong tơle\ch jang noh anih jang duh [ôh kang [o# hơlen tam mă tơnăp, păng khei năr pơtho kon pơlei tam mă kơjăp. Anih jang gô băt hơdăh vă khei năr truh kơnh jang kơjăp hloh.”

Ưh adro# bri hon kơdih, bri pơtăm đunh xơnăm, lơ hơgăt bri ‘nao pơtăm duh [ơm unh xa. Hơdăh noh ‘măng unh xa bri ăh năr 27/1 tơ\ Jơnu\m vei hơlen bri hmo\ Chư\ Sê. Je# 14ha bri keo lai ‘nao pơtăm xơnăm xơ\ hlôi [ơm unh xa. {ok Đinh Mạnh Phong, Kơdră Jơnu\m vei hơlen bri hmo\ Chư\ Sê ăn tơbăt, hơgăt bri [ơm unh xa noh yuơ Jơnu\m pơkăp jang hăm unh hnam kon pơlei pơtăm. Yuơ tơdrong jang tang găn păng p^t unh xa ưh đei tơnăp noh mă pơm ăn unh xa bri mă ưh ke\ do\ng: “Tơdrong jang tang găn păng p^t unh xa bri đơ\ng lu xư tam mă tro\ pơkăp noh đei unh xa rok truh tơring bri ‘nao pơtăm. Lơ\m khei năr truh, anih jang athei hơlen hơdăh păng pơtho tôm ‘nho\ng oh vei hơlen bri lơ\m tơring athei tơroi ăn kon pơlei jang tơnăp hloh tơdrong tang găn păng p^t unh xa bri. Păng lơ\m pơyan ‘mi truh, anih jang gô tơgu\m kon pơlei hơdre\ch ‘long vă pơtăm tơ ‘măl tơ\ dôm hơgăt bri [ơm unh xa.”

Kiơ\ kơ [ok Trương Văn Nam, Pho\ kơdră pơgơ\r Anih vei hơlen bri, lơ\m Anih tơm vei hơlen bri dêh char Gia Lai, 3 xơnăm adrol ki, dêh char ưh đei unh xa hloi. Mă lei đơ\ng blu\ng xơnăm truh dang ei, pơtoi đei lơ ‘măng unh xa bri. Lơ\m noh, 3 ‘măng unh xa tih, pơrăm đ^ 33ha bri. Atu\m hăm tơdrong tơm yuơ hơyuh to# xơnăm âu đunh noh unh xa bri duh đei yuơ tơm bri pơhơi pơho\, ưh đei tơnăp: “Hơyuh to# pơđang, đei unh noh hăp xa rok tenh. Pơtih nhen Jơnu\m vei hơlen bri Đak Đoa, rim ‘nho\ng oh jang tơ\ noh xoh jih bri adrol bơih mă lei ưh đei pơm kiơ\ [lep nhen pơkăp noh pơm đei unh xa bri, pơrăm truh tơ\ lơ hơgăt bri. Jing anih jang hơnơ\ng tang găn păng p^t unh xa tơ\ dêh char, nhôn gô pơtoi pơtruh hla bar pơgơ\r rim anih jang tơnăp vă tang găn kơđeh hloh tơdrong unh xa bri lơ\m dêh char.”

Dêh char Gia Lai dang ei oei pơhlom 600 rơbâu ha bri, lơ\m noh pơhlom 70% hơgăt bri oei lơ\m pơkăp tơring [ônh [ơm unh xa hloh. Hăm tơdrong đei [ôh unh xa pơtoi hloi nhen khei năr âu ki hlôi ăn [ôh tơdrong pơhơi đơ\ng tơm bri lơ\m tơdrong tang găn păng p^t unh xa bri đơ\ng lơ anih jang vei bri. Hăm tơdrong mă âu, Anih vei lăng kon pơlei dêh char Gia Lai ‘nao pơtruh hla bar kăp g^t, tenh kuăng pơgơ\r rim anih jang kơpal, jơnu\m pơgơ\r rim apu\ng păng rim tơ ‘ngla bri athei jang tơnăp, [lep kiơ\ pơkăp tang găn păng p^t unh xa bri.

Lan chih păng rapor