VOV4.Bahnar - ‘Năr brei 16/3, Anĭh MTTQ Việt Nam dêh char Gia Lai pơ gơ̆r hop akŏm pơ ma nuh ‘măng mă 2 vă drơ̆ng nơ̆r chih măt dôm bơ ngai lĕch pơ jei pơm bơ ngai tang măt Kuô̆k hô̆i jăl XV, bơ ngai tang măt Jơ nŭm pơ gơ̆r kon pơ lei jơ̆p tơ ring đơ̆ng 2021-2026.

Jơ bơ̆ jang lơ̆m hop akŏm

Lơ̆m hop akŏm, Anĭh MTTQ Việt Nam dêh char Gia Lai roi tơ băt păng drơ̆ng nơ̆r ăn hơ năn, hla ar chih lĭ lĭch 13 ‘nu bơ ngai găh dôm anĭh jang, khul grŭp kơ dêh char Gia Lai lĕch pơ jei pơm bơ ngai tang măt Kuô̆k hô̆i jăl XV.

Đơ̆ng rŏng pơ ma nuh hơ len năng dôm tơ drong hơ găt, trong tơ proh hơ drol, kơ sô̆ bơ ngai jang, đĭ đăng bơ ngai tang măt drơ̆ng nơ̆r chih măt 13 ‘nu bơ ngai lĕch pơ jei pơm bơ ngai tang măt Kuô̆k hô̆i jăl XV. Hop akŏm pơ ma nuh ‘măng mă 2 oei chih hơ dăh măt dôm bơ ngai lĕch pơ jei pơm bơ ngai tang măt Jơ nŭm pơ gơ̆r kon pơ lei dêh char Gia Lai jăl XII, đơ̆ng 2021-2026 đei 140 ‘nu.

Dơ̆ng: Tơ blơ̆