VOV4.Bahnar - Đơ̆ng rŏng vă jê̆ 1 khei tơlĕch jang, Dơnŏ anĭh MTTQ Việt Nam dêh char Gia Lai hlôi sơng iŏk đei 10 ti hlak jên tơgŭm djru đơ̆ng rim bơngai tơgŭm ăn vă vang tơgop lơ̆m hơnĭh mong jên tang găn jĭ Covid-19. Kiơ̆ đơ̆ng Dơnŏ anĭh MTTQ Việt Nam dêh char Gia Lai, đơ̆ng rŏng 1 khei krao hơvơn, hlôi đei hlŏh 200 hơnĭh jang atŭm kơdrơ̆m kon pơlei vang tơgŭm hăm kon jên hlŏh 10 ti hlak jên vă tang găn jĭ Covid-19.

Rim bơngai đei jơhngơ̆m đon ‘lơ̆ng vang tơgŭm ăn hơnĭh mong jên tang găn jĭ Covid -19

‘Ngoăih tơgŭm ăn kon jên vă atŭm hăm dêh char Gia Lai răt kmăi kŏk tơgŭm ăn bơ̆ jang tang găn jĭ, rim bơngai đei jơhngơ̆m đon ‘lơ̆ng vang chă tơgŭm tơmam drăm, por ‘nhot, đak nhă, che gom ƀŏ ... ăn rim bơngai ăn oei hơdrô̆, rim khŭl tŏk bŏk bơ̆ jang tang găn jĭ.

Tơblơ̆ nơ̆r: Amazưt