VOV4.Bahnar - ‘Năr (10/11), khu\l bơ\ jang kơ an^h jang vei lăng dơ nâu đak (An^h tơm vei lăng găh cho\h jang sa păng hơ to\k tơ iung tơ ring tơ rang) hlôi đei ‘măng hơ len lăng rim dơ nâu đak lơ\m de#h char Gia Lai. Khu\l hlôi hơ len lăng yan âu tơ\ dơ nâu mong đak Ia Ring (apu\ng Chư Sê) păng dơ nâu đak Ayun Hạ (apu\ng Phú Thiện). Dang ei khu\l jang ko\ng nhân tơ\ dơ nâu mong đak jang hơ nơ\ng prăt năr prăt măng, hơ nơ\ng hơ len lăng kial pl^h vă vei lăng dơ nâu kiơ\ [lep trong pơ cho\h đak păng đei trong jang tơ jră hăm ‘mi kial đak lơ\p.

Kiơ\ đơ\ng năr hơ len lăng, khu\l bơ\ jang athei rim an^h jang joăt jang păng tơ ring jang hơ nơ\ng tơ\ rim dơ nâu mong đak hơ len lăng đak ro tơ\ dơ nâu vă pơ cho\h đak sơ đơ\ng ăn dơ nâu đak. Mă loi ‘no\h j^, vei lăng pơ cho\h đak lơ an^h mong đak athei vei sơ đơ\ng ăn tơ ring pơ băh, pơ gơ\r khu\l jang prăt năr prăt măng tơ\ rim dơ nâu ‘no\h j^ tơ gu\m jang hơ drol vă mư\h đei ‘mi t^h vei sơ đơ\ng pơ nơ\ găn, sơ đơ\ng mu\k drăm păng hơ kâu jăn kon pơ lei tơ\ tơ ring pơ băh.

Thuem: Tơ blơ\