VOV4.Bahnar - ‘Măng pơ long sơ năm ‘nâu lơ̆m dêh char Gia Lai đei hloh 14.000 ‘nu hŏk tro chih măt vang pơ long hăm 39 hơ nih pơ long tơ pă păng 17 hơ nih pơ long răk hiă tơ̆ 17 apŭng, thị xăh, pơ lei tơm, hăm 616 lăm pơ long. Tơ chĕng hơ drol gô đei 1282 kang ƀô̆ lăng pơ long, 20 kang ƀô̆ dăr hơ len păng vă jê̆ 500 ‘nu bơ ngai jang tơ drong jang pơ vih pơ văn ‘noh đei rim khul jang nhen Kŏng an, pơ gang, vei sơ đơ̆ng. Ƀok Nguyễn Văn Long, Phŏ Kơ dră anih vei lăng găh pơ tho pơ hrăm dêh char Gia Lai tơ băt, anih vei lăng pơ tho pơ hrăm Gia Lai hlôi pơ jing trong jang pơ long lĕch ‘măng khoă hŏk đĭ jăl 3 hăm 4 tơ drong vă tơ jră hăm jĭ covid 19. Đơ̆ng dang ei truh ‘măng pơ gơ̆r pơ long, rim Hơ nih vei lăng pơ long lĕch ‘măng khoă hŏk đĭ jăl 3 lơ̆m dêh char Gia Lai hơ met ăn trong jang tơ jră hăm dôm tơ drong đei ƀôh ư̆h kơ ê vă ‘măng pơ long pơ gơ̆r sơ đơ̆ng, tơ păt, iŏk đei jơ nei ‘lơ̆ng hloh lơ̆m khei ‘năr jĭ Covid – 19 tŏk bŏk đei ƀôh mơ mat.

Thuem: Tơ blơ̆