VOV4.Bahnar -  Tơ̆ hơ năp tơ drong krê hơ mơt đơ̆ng jĭ Covid-19 lơ̆m dêh char păng ‘ngoăih kơ dêh char hai, Anih vei lăng jang kơ măy, tĕch mơ dro Gia Lai đei trong pơ truh măh mai tơ mam yoa kăl păng tơ lĕch trong răt iŏk tơ mam đơ̆ng kon pơ lei jang đei lơ̆m khei ‘năr đei jĭ hơ buh.

Gia Lai hơ tŏk kơ sư̆k ‘măn răk tơ mam vă tang găn jĭ Covid-19

Kiơ̆ kơ ‘nŏh, Anih vei lăng jang kơ măy tĕch mơ dro Gia Lai hlôi tơ lĕch trong ‘măn răk tơ mam, akŏm đĭ đăng đei kơ jă dang 9000 ti hlak jên. Athei 65 anih tĕch mơ dro tơ̆ tơ ring hơ tŏk kơ sư̆k ‘măn răk tơ mam lơ hlŏh 1,5 ‘măng pơ têng hăm adrol ki. Kŭm hăm ‘nŏh, tơ drong pơm ‘lơ̆ng ăn tơ mam choh jang xa đei gơ̆h tĕch ăn hnam kơ măy pơm tơ mam kŭm đei Anih vei lăng jang kơ măy, tĕch mơ dro Gia Lai năng kăl.

Anih jang kơ măy, tĕch mơ dro dôm tơ ring đei trong chơ chuĕn tơ mam ‘moi kiơ̆ trong tang găn jĭ năm truh tơ̆ hnam kơ măy; ưh ăn đei tơ drong chĭt găn trong, kâm tĕch mơ dro hăm tơ mam đơ̆ng choh jang xa đei; athei dôm anih tĕch mơ dro vei kơ jăp tơ drong jang xa, pơ gơ̆r ăn bơ ngai jang bơ̆ jang, pơ dơ̆h ngôi kơ tă tơ̆ hnam kơ măy, pơ gơ̆r răt iŏk tơ mam đơ̆ng kon pơ lei choh jang xa đei.

Dơ̆ng: Tơ blơ̆