VOV4.Bahnar - Kiơ̆ đơ̆ng Dơnŏ anĭh chĕp pơgơ̆r tang găn jĭ Covid-19 dêh char Gia Lai, jô̆ trŭh 7 jơ pơgê năr 10/9/2021, dêh char Gia Lai hlôi khăm hơlen ăn 5.242  ‘nu bơngai, lơ̆m au đei ƀô̆h 11 ‘nu bơngai đei tơpŏh sơmach jĭ SARS-CoV-2, mă hơdăh: đei 07 ‘nu bơngai tơpŏh hơlơ̆k dơ̆ng sơmach jĭ SARS-CoV-2 lăp đơ̆ng rŏng hơmet klăih, ăn brŏk đơ̆ng hnam pơgang păng jang kiơ̆ vei lăng năng tông jơhngơ̆m jăn kơtă tơ̆ hnam. 2 ‘nu bơngai ‘nŏh F1 đei ƀơm trŭh dôm bơngai tơpŏh jĭ tơ̆ Hnam pơgang tơm dêh char. 1 ‘nu bơngai F1 đei ƀơm trŭh dôm ƀô̆ đô̆i tơpŏh jĭ bơ̆ jang răih kơ jăr ksu tơ̆ pơlei tơm Pleiku dang ei tŏk bŏk ăn oei hơdrô̆ kiơ̆ tơdrong tơchơ̆t. 1 ‘nu bơngai dơ̆ng ‘nŏh kon pơlei brŏk đơ̆ng pơlei tơm Hồ Chí Minh, hơdrol kơ ‘nŏh hlôi đei ăn oei hơdrô̆ tơ̆ hnam khăch san Tre Xanh. Lơ lŏh, jô̆ đơ̆ng năr 28/5/2021 trŭh 7 jơ năr 10/9/2021, lơ̆m dêh char đei 522 ‘nu bơngai tơpŏh jĭ SARS-CoV-2 (đei 56 ‘nu bơngai tơpŏh hơlơ̆k dơ̆ng).

Tơblơ̆ nơ̆r: Amazưt