VOV4.Bahnar - Lăng kiơ̆ tơ drong hơ găt đơ̆ng Anih tơm vei lăng pơ tho pơ hrăm găh tơ lĕch tơ drong hơ găt thi tốt nghiệp THPT, Dơ nŏ anih vei lăng kon pơ lei dêh char Gia Lai drơ̆ng nơ̆r kĭ ăn trong pơ gơ̆r thi tốt nghiệp THPT sơ năm 2021.

Dơ nŏ anih vei lăng kon pơ lei dêh char Gia Lai athei Kơ dră vei lăng pơ tho pơ hrăm dêh char jang hơ doi hăm dôm anih jang kơ pal đei ƀơm truh pơ gơ̆r thi tốt nghiệp THPT sơ năm 2021 mă sơ đơ̆ng ‘lơ̆ng, trŏ tơ drong hơ găt, mă loi jĭ vei sơ đơ̆ng ‘lơ̆ng lơ̆m khei ‘năr jĭ Covid-19 oei tôch hơ mơt hrei ‘nâu.

‘Măng thi tốt nghiệp THPT sơ năm ‘nâu vă pơ gơ̆r 2 năr (7 păng 8 khei 7) hăm 5 ƀai thi đei: 3 ƀai pơm kơ dih ‘nŏh Toán, văn, Nơ̆r tĕh đak đe păng 2 ƀai thi grŭp Khoa hŏk tự nhiên, Khoa học xã hội. Dôm anih pơ gơ̆r thi tơ̆ dêh char Gia Lai chă iŏk hô sơ đơ̆ng hŏk tro đơ̆ng ‘năr 27-4 păng tôch ƀât 5 jơ kơ sơ̆ ‘năr 11-5-2021.

Dơ̆ng: Tơ blơ̆