VOV4.Bahnar – Brei drou, tơ\ dêh char Gia Lai hơ nơ\ng đei tơ drong [ơm pơ nhu\l, soai hăk đơ\ng xa tơ mam ưh kơ ‘you, pơm ăn kơ hre\ng ‘nu bơ ngai athei năm hơ met tơ\ hnam pơ gang. Kăl pơ ma ‘no\h, dôm tơ drong soai hăk đơ\ng xa tơ mam âu tơ tă đei tơ\ tơ ring kon pơ lei kon kông oei ngăl, tơ drong tơm ‘no\h yoa [uh xa kon tơ rong j^, mă ưh ‘no\h yoa [uh, pai, ‘măn răk tơ mam ưh kơ ‘you:

Đơ\ng ro\ng 1 gie\ng [ơm pơ nhu\l, soai hăk đơ\ng et xa lơ\m năr pơ kong kon hơ ‘lơ\p lơ\m pơ lei, ‘nho\ng Hlel, bơ ngai Bahnar tơ\ plei Blưng, xăh Trang, apu\ng Đak Đoa, dêh char Gia Lai tơ roi: Hnam [ok HLưng te\h 4 to\ nhu\ng, kăt [uh hai, chơ cho\h pai hăm ‘nhot ha. Oei kơ ting ‘no\h pai canh, pai hăm kơ dret prit. Đ^ đăng tơ mam xa, ‘nhie\m ‘nhot âu đei pai đơ\ng pơ gê hrôih năr hơ drol, so\ xa truh đ^ năr đơ\ng ro\ng. Đơ\ng ro\ng kơ et xa [ar năr, ‘nho\ng Hlel ku\m hăm 2 ‘nu kon păng 4 ‘nu mon sư athei chơ ba tơ\ hnam pơ gang yoa j^ klak tue\nh, chro\h hăk. ‘Nho\ng Hlel pơ ma:

“Pai tơ mam m^nh ‘măng, ming tơ\ kơ deng. Su\p ‘no\h ming tơ\ ‘ngoăih, ưh đei pai ming dơ\ng. Kư\ so\ xa đơ\ng pơ gê truh ‘năr dơ\ng, ưh đei tơ drong kiơ. Tơ\ kơ sơ\ su\p xa iơ iu\ [iơ\, vih tơ\ hnam j^ klak ngăl. Bu bu ku\m so\ ba ‘nhot che\p ăn kon sâu, kơ na xăh Hnol, Kông Chiêng, xăh Kdăng, xăh G’lar ku\m đei bơ ngai j^ ngăl.”

Năr et pơ kong âu đei dang 400 ‘nu ‘nho\ng o\h, tơ moi truh ngôi, et xa, ‘no\h đei 135 ‘nu bơ ngai ‘lo\ păng đe hơ io\h athei chơ hơ met tơ\ hnam pơ gang yoa xa tơ mam [ou.

Dôm bơ ngai j^ đei hơ met tơ\ hnam pơ gang yoa xa tơ mam ưh rơ go\h tơ\ Gia Lai

Yă Đỗ Thị Chiên, Pho\ kơ dră vei lăng Hnam pơ gang xăh Trang tơ roi, dôm bơ ngai j^ chroh hăk đơ\ng xa tơ mam âu tơ tă tơ moi truh et xa tơ\ kơ sơ\ năr đơ\ng ro\ng ngăl, đơ\ng ro\ng kơ xa dôm tơ mam đ^ [ou iu\, ưh kơ rơ go\h bơih. Đơ\ng ro\ng đei tơ drong ‘nâu, an^h jang kơ pal jur dăr lăng păng akhan, j^ klak chroh hăk âu yoa đơ\ng tơ mam xa ưh rơ go\h, đơ\ng [uh, pai, ‘măn răk ưh kơ ‘you.

Yă Đỗ Thị Chiên, Pho\ Kơ dră vei lăng Hnam pơ gang xăh Trang pơ ma: “Đe pai hơ ku\m tơ\ hơ nă te\h, ưh kơ ‘you. Dôm tơ mam xa hăm su\p, đei pai kiơ\ tơ drong juăt, pai hrâu hăm kơ dret, ‘nhot hla [ei, hla [lang kơ na [ônh kơ [ou. Tơ drong ‘măn răk đơ\ng đe ku\m ưh kơ lăp ‘năi, đe chă ming pră hu\t kư\ kă, ưh tam đei hơ tuh tơ ngie\t dăh mă đơ\p hơ met mă kle\p. Đe hơ io\h ‘no\h đei me\ to\ng so\ ‘nhie\m ‘nhot ming tơ\ hla prit, hla pang ăn đe sư xa.”

Kiơ\ Hnam pơ gang apu\ng Đak Đoa, lơ\m dôm sơ năm tơ je# âu, đei 3 ‘măng soai hăk đơ\ng tơ mam xa ưh rơ go\h lơ\m tơ pôl, pơm ăn lơ bơ ngai j^. Hnam pơ gang hơ nơ\ng pơ gơ\r pơ tâp ăn kăn [o# jang pơ gang tơ\ tơ ring găh tơ drong vei lăng rơ go\h ‘lơ\ng tơ mam xa; athei kăn [o# jang pơ gang tơ\ xăh jur dăr lăng tơ drong pai xa lơ\m dôm nar et ot; tơ tă ăn mih ma duch nă pai, ‘măn răk mă kle\p. Mă lei, kon pơ lei kon kông oei [uh, pai xa nhen tơ drong juăt đơ\ng sơ\ đe\ch, ưh kơ ‘you, kơ na đa đei tơ drong pơ nhu\l soai hăk đơ\ng tơ mam xa.

{ok Đỗ Chí Hùng, Pho\ kơ dră vei lăng Hnam pơ gang apu\ng Đak Đoa pơ ma: “Tơ drong đei [ôh lei lăi băl đơ\ng dôm ‘măng soai hăk, chroh yoa xa tơ mam ‘no\h đa đei kơ drâm bơ ngai, mă lơ ‘no\h hăm kon pơ lei kon kông yoa pơ gơ\r et pơ kong, dăh mă et ot nai hai. Đơ\ng ro\ng kơ [ơm pơ nhu\l, nhôn [ôh đe đa chă pai xa kơ dih, tơ drong vei lăng, ‘măn răk tơ mam xa, ‘nhie\m ‘nhot tam ‘lơ\ng. Đei tơ mam xa đ^ ngach đ^, krê loi dơ\ng đei tơ mam xa đ^ [ou iu\ bơih. Yoa thoi no\h sư pơm ăn lơ bơ ngai xa jing j^ klak chroh hăk thoi âu.”

Adrol kơ ‘no\h [ar pêng năr, m^nh ‘măng [ơm pơ nhu\l đơ\ng tơ mam xa pơm ăn lơ bơ ngai j^ ku\m đei tơ\ plei Uar, xăh Chư\ Drang, apu\ng Krông Pa. Hnam [ok Ksor Sơri, bơ ngai Jarai, pơ gơ\r et pơ kong, te\h rơ mo j^ klak hlo\h 1 puăt khei vă et xa hăm tơ moi. Mă hơ tuch, 103 lơ\m kơ so# 110 ‘nu bơ ngai năm et pơ kong j^ klak, chroh hăk athei chơ hơ met tơ\ hnam pơ gang.

Kiơ\ An^h vei lăng rơ go\h ‘lơ\ng tơ mam xa dêh char Gia Lai, đơ\ng blu\ng sơ năm truh dang ei tơ\ tơ ring đei 4 ‘măng [ơm pơ nhu\l, soai hăk lơ bơ ngai, pơm ăn 1 ‘nu bơ ngai lôch păng hlo\h 300 ‘nu bơ ngai nai j^. Tơ drong tơm ‘no\h yoa xa [ơm ‘nhie\m kon tơ rong j^ mă ưh ‘no\h yoa đơ\ng pai xa, ‘măn răk ‘nhie\m ‘nhot ưh kơ lăp. Vă găn tơ drong ‘nâu tơ\ hơ năp kơnh, [ok Nguyễn Văn Đang, Kơ dră An^h vei lăng rơ go\h ‘lơ\ng tơ mam xa dêh char Gia Lai tơ tă:

“An^h vei lăng rơ go\h ‘lơ\ng tơ mam xa dêh char Gia Lai đei hla ar chih tơ tă ăn kon pơ lei lơ\m dêh char ‘no\h, ưh gơ\h [uh xa ‘nhie\m rơ mo, ‘nhu\ng, ie\r j^, lôch toi. Mă 2 ưh gơ\h xa tơ mam pai le# đunh, tơ mam xa đ^ vă [ou iu\ bơih yoa đơ\ng le# đunh, ming ưh kơ kle\p. Inh tơ tă ăn mih ma duch nă mưh xa tơ mam, athei băt hơ dăh tơ mam đei đơ\ng yơ păng pai xa, ‘măn răk mă ‘lơ\ng, athei chă trong găn, ưh ăn đei j^ klak tue\nh, chroh hăk đơ\ng xa tơ mam ưh kơ ‘you.”

Dơ\ng: Tơ blơ\