VOV4.Bahnar - Tơ̆ ‘măng tơbăt kơsơ̆ năr 8/9, Dơnŏ anĭh chĕp pơgơ̆r tang găn jĭ Covid-19 dêh char Gia Lai tơbăt, đơ̆ng tŏk bŏk măng năr 9/9, ăn asong pơlei tơm Pleiku pơdơ̆h ăn oei hơtăih dĭh băl kiơ̆ Nơ̆r athei jang kiơ̆ 16/CT-TTg, adoi athei rim tơring lơ̆m dêh char tơlĕch trong jang atŏk tơ iung mŭk drăm-tơpôl lơ̆m khei ‘năr “hiôk hian hle”. Dơnŏ anĭh chĕp pơgơ̆r tang găn jĭ Covid-19 dêh char Gia Lai athei hơnơ̆ng ăn pơdơ̆h jang rim tơdrong jang ư̆h kơ kăl, kơchơ pơgia; kon pơlei ư̆h oei akŏm hlŏh 10 ‘nu tơ̆ hơnĭh bơ̆ jang, hnam trương hŏk, hnam pơgang, hơnĭh kơdrơ̆m. Hơnĭh tĕch mơdro tơmam drăm sŏng sa, đak nhă ăn tĕch mơdro dơ̆ng, mă lei lăp gơ̆h chă tĕch ăn kơ đei hơnhăk brŏk. ‘Ngoăih kơ ‘nŏh, dêh char Gia Lai athei pơlei tơm Pleiku, hơnơ̆ng gak kơtang rim tơring đei ƀơm trŭh rim bơngai ‘nao jĭ đei ƀô̆h lơ̆m khei ‘năr tơ jê̆ au; tĕnh koăng tơchă dôm bơngai oei tơ jê̆, vat tơring, pơvang tang găn tơring oei. Hăm dôm apŭng, thĭ xăh uơ oei, dêh char athei pơjing trong jang vei lăng tơring sơđơ̆ng, tơlĕch rim tơdrong jang sa atŏk tơ iung mŭk drăm-tơpôl kiơ̆ trong “hiôk hian hle”.

Tơblơ̆ nơ̆r: Amazưt