VOV4.Bahnar - Dơnŏ anĭh bơ̆ jang vei lăng kon pơlei dêh char Gia Lai pơgơ̆r Hop akŏm tơlĕch jang hăm kơdră chĕp kơ̆l rim hơnĭh bơ̆ jang lơ̆m jang kiơ̆ tơdrong jang păng tơdrong jang kiơ̆ Tơdrong pơkăp jang kơ Dơnŏ anĭh vei lăng kon pơlei dêh char. Lơ̆m 5 sơnăm au ki, rim hơnĭh bơ̆ jang kơ dêh char hlôi tơlĕch jang kiơ̆ kơ jăp rim Tơdrong pơkăp jang đơ̆ng Dơnŏ anĭh vei lăng kon pơlei dêh char jăl jang 2016-2021 hăm trong iung jang “kơhret kơ jăp hơnăp jang hăm Kơdră chĕp kơ̆l, atŏk kơtang bơ̆ jang ‘lơ̆ng, iung jang hơdoi hăm rim hơnĭh jang”. Pơma pơtôch hop akŏm, Kơdră chĕp pơgơ̆r dêh char Gia Lai Võ Ngọc Thành athei bơngai chĕp kơ̆l hơnĭh bơ̆ jang kăl atŏk kơtang hlŏh dơ̆ng hơnăp jang lơ̆m jang kiơ̆ tơdrong bơ̆ jang kiơ̆ ƀlep trong tơlĕch jang đơ̆ng Nơ̆r athei jang kiơ̆ 01 đơ̆ng Kơdră chĕp pơgơ̆r Dơnŏ anĭh vei lăng kon pơlei dêh char păng Tơdrong pơkăp bơ̆ jang đơ̆ng Dơnŏ anĭh vei lăng kon pơlei dêh char; iung jang dăr lăng dơ̆ng trong bơ̆ jang kơ rim hơnĭh bơ̆ jang. Rim hơnĭh bơ̆ jang kăl đei pơjao tơdrong jang trŏ ƀlep, mă lei bơngai chĕp kơ̆l kăl băt hơdăh tôm tong lơ̆m hơnĭh bơ̆ jang, lơ̆m tơring đei pơjao jang.

Tơblơ̆ nơ̆r: Amazưt