VOV4.Bahnar – Ƀok Hồ Văn Niên – Ƀĭ thư Anih kơpal kơ dêh char Gia Lai 'nao pơkăl anih jang kŏng ang tơ̆ tơring tơkêng tơdrong pơm tơpoh pơrang jĭ hli hlơt hăm kon bơngai. Noh jing bơngai ƀơm jĭ Covid-19 đei kơsô̆ pơkăp BN95028 đei băt ƀơm jĭ ăh năr 24/7, jing kang ƀô̆ anih jang Măt trâ̆n tôh kuôk phường Tây Sơn, plei tơm Pleiku. Mă băt kơdih po noh F1 đơ̆ng bơngai jĭ BN36712, mă lei kang ƀô̆ âu tơroi akhan kơdih po noh F2. Bơngai âu duh oei năm truh Anih jang Vei lăng kon pơlei phương bơ̆ jang, năm truh lơ anih tĕch pơdro vă pơkăl dôm unh hnam tĕch pơdro pơkăp vei xơđơ̆ng tang găn păng tơjră pơrang jĭ Covid-19. Kơyuơ tơroi ưh kơ tơpăt, bơngai jĭ âu hlôi pơm 3 'nu lơ̆m unh hnam ƀơm jĭ Covid-19. Kiơ̆ đơ̆ng chơ chă, Anih jang hơlen pơrang jĭ Gia Lai xơkơ̆t đei 51 'nu noh F1 păng 82 'nu noh F2 tơpoh đơ̆ng kang ƀô̆ âu.

Lan chih păng pơre nơ̆r