VOV4.Bahnar - Đơ̆ng rŏng 24 năr âu ki, rim anih jang, khŭl jang kơ Kŏng an dêh char Gia Lai hlôi pơm đang hla ar hô sơ asong theh kăn kươk kon pơ lei pơ klep chip điện tử ăn kơ hloh 120 rơ bâu ‘nu kon pơ lei. Kŭm hăm ‘noh, khŭl linh kŏng an hlôi đei lơ tơ drong hơ drin lơ̆m tơ drong jang tơ roi tơ băt, hơ tŏk ‘lơ̆ng pơ vih pơ văn ăn kon pơ lei.

Rim khŭl linh, anih jang kơ Kŏng an dêh char Gia Lai tŏk bŏk hơ drin tơ lĕch jang pơm Kăn kươk kon pơ lei pơ klep chíp điện tử ăn kơ kon pơ lei

Truh đĭ ‘năr 24/3, hăm tơ drong yua 29 kơ măy yua đơ̆ng Anih tơm vei lăng Kŏng an asong, 18 anih jang tơm kơ Kŏng an dêh char Gia Lai hlôi pơm đang hla ar hô sơ pơm kăn kươk kon pơ lei pơ klep chip điện tử ăn kơ hlŏh 120 rơ bâu ‘nu kon pơ lei. Năr lơ hloh, jô̆ păh lăp rim anih jang pơm đei 338 theh kăn kươk kon pơ lei lơ̆m 1 kơ măy 1 năr, yak hloh tơ drong hơ găt 38 theh kăn kươk kon pơ lei lơ̆m 1 kơ măy 1 năr. Lơ̆m noh, kŏng an rim apŭng Chư Păh, Chư Sê, Kbang, Krông Pa, Phú Thiện, Ia Pa, Mang Yang… ‘noh jĭ dôm anih jang iŏk đei kơ sô̆ asong theh lơ hloh.

Thuem: Tơ blơ̆