VOV4.Bahnar - Tŏ phang pơđang đunh năr au ki pơm ăn mơ jit hektar bri tơ̆ Gia Lai dơ̆ng tơ̆ hơnăp hơmơt đei ŭnh sa kơtang. Vă iung jang ‘lơ̆ng lơ̆m tang găn ŭnh sa bri ‘long, dêh char hlôi tơ iung pơjing trong jang hrơ̆p mĭnh ‘măng lơ trong jang vă tang găn ŭnh sa bri.

Kon pơlei kơ pơlei Đôch 1 chong sŏh ‘ngiĕt pơm tơnglăng tang găn ŭnh sa bri

Dơnŏ anĭh vei lăng bri Ia Ly tŏk bŏk vei lăng hlŏh 12.500 ha bri. Đơ̆ng blŭng pơyan phang hloi, hơnĭh au hlôi pơjao ăn kang ƀô̆ bơngai jang hơnơ̆ng năm dăr joang, tơlĕch jang trong jang 4 kơtă, adoi pơjing rim khŭl bơ̆ jang tang găn ŭnh sa bri hăm đei kơ hrĕng ‘nu bơngai bơ̆ jang. Hơnĭh au jei tơlĕch rim trong jang sŏh ‘ngiĕt, pơm trong tang găn ŭnh sa bri tơ̆ groi bri kơdrơ̆ng hơmơt ŭnh sa kơtang.

Tơblơ̆ nơ̆r: Amazưt