VOV4.Bahnar  – Lêh tơle\ch te\ch ka phê ăn tơring Châu Âu kiơ\ Tơchơ\t EVFTA hlôi đei pơgơ\r tơ\ Gia Lai. ‘Nâu jing ka phê mă blu\ng kơ Việt Nam te\ch ăn tơring EU kiơ\ Tơchơ\t hiôk hian găh te\ch pơdro đơ\ng Việt Nam păng Jơnu\m Châu Âu (EVFTA).

Tơ\ jơ lêh, rim bơngai tang măt hlôi năm tơmang anih ‘măn kơmăi pơm tơle\ch ka phê kơ Anih jang Vĩnh Hiệp, atu\m hăm noh, năm tơmang anih hơto\k tơ\ Container. Khul gre chơ ka phê mă blu\ng truh Châu Âu đei khul kơpal kơ Anih tơm Choh jang xa păng Hơto\k tơring pơxe\l tơchơ\t tơ\ anăp lơ khul kơpal tang măt hopa ko\m. Adrol kơ noh, kơtă ăh Tơchơ\t EVFTA đei io\k yua đơ\ng năr 1/8, tôm tơmam drăm ka phê adoi ưh đei io\k thue#, atu\m hăm noh,  EU pơkăp tơgu\m găh tơring teh pơih xă ăn te\ch ka phê ăn Việt Nam. ‘Nâu jing trong hiôk vă tơgar jang pran hloh ăn anih jang ka phê Việt Nam tơ\ tơring EU.

Lan chih păng rapor