VOV4.Bahnar - Tơ̆ hơnăp tơdrong jĭ Covid-19 tơpŏh roi kơtang lơ̆m tĕh đak, pơlei tơm Pleiku, Gia Lai hlôi chĭh pơtrŭh hla bơar athei rim hnam trương mâm non pơdơ̆h hŏk đơ̆ng năr 13/5 vă tang găn jĭ. Dơnŏ anĭh vei lăng kon pơlei dêh char Gia Lai jei hlôi chĭh pơtrŭh hla bơar gĭt kăl athei Dơnŏ anĭh jang pơtho pơhrăm tĕnh koăng jang keh đang pơtôch sơnăm hŏk hơdrol năr 16/5.

Hăm dêh char Gia Lai, Dơnŏ anĭh vei lăng kon pơlei dêh char hlôi đei hla bơar gĭt kăl athei Dơnŏ anĭh vei lăng Hnam trương pơtho pơhrăm pơrô̆ athei rim hnam trương ăn hŏk tro pơdơ̆h hŏk hơdrol năr 16/5 vă tang găn jĭ Covid-19. Rim hnam trương hŏk tơ̆ dêh char hlôi tơtom băt hơdăh trong tơlĕch jang pơtôch sơnăm hŏk hrôih vă tang găn jĭ, tŏk bŏk pơgơ̆r pơlong hŏk jăl 2 păng tơlĕch pơtho ming kiơ̆ pơgơ̆r trư̆k tuyên ăn hŏk tro lăm 12.

Tơblơ̆ nơ̆r: Amazưt