VOV4.Bahnar - Yuơ răm đơ\ng ‘mi kial kơso# 9, yơ\ng âu ki lơ\m tơring kơ dêh char Gia Lai [ơm răm tih tên găh hnam oei păng tơdrong choh pơtăm kơ kon pơlei. Đơ\ng ro\ng kơ ‘mi kial prăn, jơnu\m pơgơ\r tơring păng anih jang kơpal tơ\ tơring hlôi hăt hot tơgu\m kon pơlei hơmet răm, dăh hrôih xơđơ\ng tơdrong erih ăn kon pơlei.

Rim apu\ng, th^ xăh tơ\ tơring hle\ch pơbăh Gia Lai noh: K[ang, Kông Chro, Ia Pa, th^ xăh An Khê jing dôm tơring [ơm răm kơtang hloh lơ\m ‘măng ‘mi kial kơso# 9. Găh hnam oei, hlôi đei 357 to\ hnam kon pơlei, mă lơ noh hăm unh hnam hin dơnuh, tơje# hin dơnuh tơpăr pơđ^ bơbu\ng hnam dăh mă hư răm hloi. Tơdrong xơđơ\ng hnam oei ăn kon pơlei tơ\ tơring dang ei đei lăng jing xơnong jang mă mônh tơ\ dêh char Gia Lai.

Kơtă đơ\ng ro\ng kơ ‘mi kial prăng, Anih vei lăng kon pơlei xăh Thành An, th^ xăh An Khê hlôi hơvơn dôm j^t kang [o#, jang hadoi hăm khul ko\ng ang păng khul linh chă hơmet bơbu\ng ăn hloh 20 to\ hnam kon pơlei. Anih vei lăng kon pơlei apu\ng Kbang hlôi tơ ‘nhur ăn jơnu\m pơgơ\r dôm xăh hơvơn khul jang tơ\ tơring jang hadoi hăm khul ko\ng ang, khul linh ‘nhăk yông 150 unh hnam kon pơlei đei hnam tơglơh păng tơpăr bơbu\ng truh oei anih xơđơ\ng, tang găn tơdrong răm; atu\m hăm noh tenh kuăng hơmet ming hnam hư răm vă tang găn ăn ‘măng ‘mi kial truh âu kơnh. {ok Nguyễn Văn Dũng, Kơdră Anih vei lăng kon pơlei apu\ng Kbang ăn tơbăt dơ\ng: “Tơ\ anăp nhôn yua jên mong 100 triu hlj đơ\ng anih Măt tra#n tôh kuôk Việt Nam păng Anih jang ‘long pơglang brê vă răt kem păng găch păng hơmet bơbu\ng hnam, hơmet răm ‘mi kial tưk bơbu\ng hnam. Oei hnam tơglơh tơpăi noh, truh âu kơnh, nhôn gô hơmet ăn kon pơlei. Nhôn gơnơm đe linh tơ\ dêh char chă tơgu\m ăn 100 kang [o# linh tơ\ tơring kơ apu\ng vă tơle\ch jang. Hơbo\ đơ\ng dang ei truh je# đ^ gie\ng kơnh keh đang hơmet bơbu\ng hnam tơpăr vă tang găn ‘mi kial kơso# 10 pơrăm.”

‘Mi kial kơso# 9 tơ\ Gia Lai hăm kial tơhlu kơtang to\k truh kơso# 8, kơso# 9 duh pơm ăn hloh 1000 ha [a, kơtao păng pơgar ‘long xa plei tơ\ dôm apu\ng găh hle\ch pơbăh [ơm hư răm. Dang ei, rim anih choh jang xa tơ\ dôm tơring to\k bo\k oei chih ako\m tơdrong răm păng tơle\ch trong jang chă tơgu\m ăn kon pơlei dăh hrôih xơđơ\ng pơm jang. {ok Huỳnh Ngọc Mỹ - Kơdră Lăm jang mu\k drăm th^ xăh An Khê ăn tơbăt: “Găh tơdrong răm hăm tơmam pơtăm noh nhôn duh jang hadoi hăm Anih vei lăng kon pơlei rim xăh, phương hơlen tôm hơgăt teh choh pơtăm [ơm răm, vă tơroi ăn anih juăt jang; păng đơ\ng noh Anih vei lăng kon pơlei th^ xăh gô chă trong tơgu\m hăm jên mong đei kơdih kơ th^ xăh; atu\m hăm noh pơtruh nơ\r hăm dêh char kiơ\ tơdrong răm vă chă tơgu\m”

Đơ\ng ro\ng kơ ‘mi kial, Anih vei lăng Kon pơlei dêh char Gia Lai hlôi đei hla bar pơkăp rim anih jang lơ\m tơring atu\m pơm jang vă pơtoi tang găn păng hơmet răm đơ\ng ‘mi kial pơrăm.

Anih tơm pơgơ\r linh dêh char Gia Lai hlôi pơtruh 50 ‘nu kang [o# linh atu\m hăm khul jang tơ\ tơring ako\m hơmet, ming bơbu\ng hnam ăn dôm unh hnam [ơm răm. Atu\m hăm noh, apu\ng axong pơhlom 100 triu hlj đơ\ng jên tơgop tơgu\m đơ\ng Anih jang ‘long pơglang brê păng Anih jang Măt tra#n tôh kuôk Việt Nam tơ\ apu\ng chă răt kem, vă hơmet bơbu\ng hnam oei ăn kon pơlei.

Lơ\m noh, ‘nguaih kơ tơdrong tơgu\m tơmam drăm kăl ăn rim unh hnam [ơm răm kơtang, Anih vei lăng kon pơlei dêh char Gia Lai pơkăl rim tơm hnam, dơnâu mong đak, hnam kơmăi unh hơyuh vei xơđơ\ng tôm dơnâu pơnơ\ đak păng tơring thu\ng. ‘Nguaih kơ noh Anih vei dêh char Gia Lai pơkăl Anih jang Unh hơyuh Gia Lai dăh tenh kuăng hơmet tơdrong răm găh unh hơyuh lơ\m ‘măng ‘mi kial kơso# 9; rim khul linh vang ako\m hơmet hnam trưng ho\k, hnam pơgang, tơgu\m kon pơlei hơmet hnam oei mă [ơm hư răm, pơ ‘nguaih cham char, tơgop vei xơđơ\ng tơdrong erih ăn kon pơlei.

Lan chih păng rapor