VOV4.Bahnar - Pơ gê ‘năr 8/12, ‘măng hop akŏm mă 4 Jơ nŭm pơ gơ̆r kon pơ lei dêh char Gia Lai jăl XII (jăl jang 2021-2026) pơ tơm pơ gơ̆r blŭng a. ‘Măng hop akŏm ‘măng âu akŏm set hơ len dôm hla ar tơ roi tơ băt găh hơ len lăng pơ tôch jang kiơ̆ Tơ chơ̆t đơ̆ng Jơ nŭm pơ gơ̆r kon pơ lei dêh char găh mŭk drăm - tơ pôl, vei lăng sơ đơ̆ng sơ năm 2021 păng dôm hơ năp jang, trong jang sơ năm 2022. Mă đơ̆ng jĭ hơ buh Covid – 19 đei ƀôh krê hơ mơt, mă lei lơ̆m sơ năm 2021, tơ drong thu mong jên jang tơ̆ Gia Lai đei ‘lơ̆ng.

Mă hơ dăh ‘noh, akŏp thu mong jên jang lơ̆m dêh char 7.386 ti hlak jên, dang 162% pơ têng hăm kơ sô̆ jên đơ̆ng Trung ương pơ jao, hloh 83% pơ têng hăm khei ‘nâu kơ sơ năm 2020. Akŏp tơ mam lơ̆m dêh char tŏk 9,03%, GDP jô̆ păh lăp kơ̆l bơ ngai 56,31 triệu hlak jên. Lơ̆m sơ năm ‘nâu, hlôi đei dơ̆ng 17 xăh jang đang ‘lơ̆ng tơ ring tơ rang ‘nao, hơ tŏk akŏp kơ sô̆ tŏk 87 xăh jang đang ‘lơ̆ng tơ ring tơ rang ‘nao. Mă lei, lơ̆m sơ năm 2021, dêh char Gia Lai oei đei 4/18 tơ drong hơ găt ưh kơ iŏk đei trong tơ lĕch ăn.

Thuem: Tơ blơ̆