VOV4.Bahnar - Pơ gê ‘năr 30/9, tơ̆ Anih jang đảng dêh char Gia Lai, lơ̆m jơ năr Hop akŏm ‘măng mă 5 Anih chĕp kơ̆l pơ gơ̆r Đảng bộ dêh char jăl 14 ( pơ̆ih să), Khŭl chĕp kơ̆l pơ gơ̆r anih jang Đảng dêh char hlôi pơ gơ̆r Hop akŏm tơ băt hơ dăh dôm tơ drong tơ chơ̆t găh tơ drong jang kang ƀô̆ đơ̆ng Khŭl chĕp kơ̆l pơ gơ̆r anih jang Đảng dêh char păng Anih vei lăng kon pơ lei dêh char Gia Lai jô̆ đơ̆ng ‘năr 4/10.

 Mă hơ dăh ‘noh: Khŭl chĕp kơ̆l pơ gơ̆r anih jang Đảng dêh char Gia Lai tơ chơ̆t ƀok Nguyễn Hữu Quế- pơ dơh jang lơ̆m Khŭl chĕp kơ̆l pơ gơ̆r anih jang Đảng dêh char năm iŏk tơ drong jang tơ̆ Anih tơ lĕch nơ̆r sơ kơ̆t păng tơ mơ̆t jên jang. Tơ chơ̆t ăn, athei ƀok Đỗ Việt Hưng-Kơ dră Anih vei lăng ming man Gia Lai vang jang lơ̆m Khŭl chĕp kơ̆l pơ gơ̆r anih jang Đảng pơ lei tơm, pơm phŏ Bí thư Đảng pơ lei tơm Pleiku jăl jang 2020-2025.

Tơ chơ̆t ƀok Nguyễn Bá Thạch-Phŏ Bí thư Đảng apŭng Chư Pưh pơ dơh kơ jang lơ̆m Khŭl chĕp kơ̆l pơ gơ̆r anih jang Đảng apŭng, pơ dơh kơ pơm Phŏ Bí thư Đảng apŭng Chư Pưh păng ăn năm iŏk tơ drong jang tơ̆ Anih vei lăng ming man. Tơ chơ̆t pôk hơ tŏk ƀok Võ Hoàng Bình - Kơ dră anih Lý luận Chính trị - Jơ hnơr arih Đảng, Khŭl tơ roi tơ băt anih jang Đảng dêh char pơm Phŏ kơ dră anih tơ roi tơ băt anih jang Đảng dêh char.

Thuem: Tơ blơ̆