VOV4.Bahnar - ‘Năr brei (4/4), 50 ‘nu kang ƀô̆ jang pơ gang tơ̆ hnam pơ gang pơm tơ̆ ‘ngoăih hơ met jĭ Covid-19 dêh char Gia Lai jang đang ăn oei hơ drô̆ y tế 14 năr, ƀrŏk hơ lơ̆k tơ̆ rim anih jang hơ nơ̆ng tơ drong jang. Hơ dai hăm ‘noh, Anih vei lăng kon pơ lei dêh char Gia Lai hlôi tơ chơ̆t tơ klăh Hnam pơ gang pơm tơ̆ ‘ngoăih hơ met jĭ Covid-19. Kiơ̆ tơ drong tơ chơ̆t đơ̆ng Anih vei lăng kon pơ lei dêh char Gia Lai, Hnam pơ gang pơm tơ̆ ‘ngoăih Gia Lai tơ klăh đơ̆ng năr ‘nâu, ‘năr 5/4.

Lơ̆m khei ‘năr bơ̆ jang, kŭm hăm tơ drong tơ gŭm joăt jang đơ̆ng Hnam pơ gang Chợ Rẫy (pơ lei tơm Hồ Chí Minh) păng Viện vệ sinh Dịch tễ Tây Nguyên, hnam pơ gang hlôi jang đang tơ drong jang hơ met klăih jĭ ăn kơ 27 ‘nu jĭ tơ̆ dêh char. Thoi noh, truh dang ei, dôm kang ƀô̆ jang pơ gang tuch luch tơ̆ hơ nih tang găn jĭ Covid-19 tơ̆ Gia Lai hlôi jang đang tơ drong jang, brŏk bơ̆ jang hơ lơ̆k dơ̆ng bơ̆ih.

Thuem: Tơ blơ̆