VOV4.Bahnar - Jăl jang 2021-2025, rim tơ ring lơ̆m dêh char Gia Lai hlôi kơ chăng pơ jing trong tơ lĕch jang vă pơm kơ jăp hơ bong đak vă pơm lăp hăm ‘mĕh vă đak tơ rŭih, hơ tŏk ‘lơ̆ng iŏk yua chŏh jang sa. Hơ drô̆ apŭng Chư Sể, đơ̆ng sơ năm 2018 truh dang ei hlôi tơ mơ̆t jên jang vă jê̆ 10 ti hlak jên vă pơm kơ jăp 1,2 hơ bong đak kơ jung 18 km. Lơ̆m apŭng đei 46 hơ nih bơ̆ găn đak kĕ tơ rŭih ăn kơ hloh 1.400 hek tar ƀa păng 1.900 hek tar ‘long pơ tăm. Hơ bong đak đei pơm kơ jăp ‘noh jĭ 52,2 km hlôi hơ met ‘lơ̆ng đak tơ ruih păng ‘mĕh vă pơ̆ih să jang sa, hơ tŏk ‘lơ̆ng iŏk yua đơ̆ng kon pơ lei. Ƀok Hồ Phước Thành- Kơ dră vei lăng Anih tơ lĕch nơ̆r sơ kơ̆t păng tơ mơ̆t jên jang dêh char Gia Lai tơ băt: Kiơ̆ lơ̆m tơ drong ‘meh vă păng tơ drong iŏk hơ drol đơ̆ng rim tơ ring, jên jang dêh char gô tơ gŭm jô̆ păh lăp rim sơ năm 100 ti hlak jên păng gơh tơ gŭm hơ drol klăih song hloh kơ sô̆ âu vă tŭn hrĕnh tơ drong jang kiơ̆ Tơ drong jang pơm kơ jăp hơ bong đak, jên jang đơ̆ng sơ năm 2021-2025 dang 500 ti hlak jên.

Thuem: Tơ blơ̆