VOV4.Bahnar -  Pơgê năr 19/5, Dơnŏ anĭh Đảng dêh char Gia Lai pơgơ̆r tơbăt hơdăh Tơdrong tơchơ̆t đơ̆ng Ban Bí thư pôk tơmơ̆t ƀok Rah Lan Chung- sơ̆ jang Kơdră chĕp pơgơ̆r Hơnĭh bơ̆ jang ăn Dơnŏ anĭh Đảng dêh char Gia Lai (jăl kang 2021-2025).

Tơ̆ pơm lê̆h tơbăt hơdăh tơdrong tơchơ̆t, ƀok Hồ Văn Niên- Bí thư Đảng dêh char Gia Lai hơlen, ƀok Rah Lan Chung đei hŏk pơhrăm trŭh tơ̆p trŭh troch, bơ̆ jang gơ̆h hơgei đơ̆ng tơring, đei jơhngơ̆m đon tơplĭh ‘nao, ling lang bơ̆ jang keh đang tơdrong jang đei pơjao. Ƀok Rah Lan Chung bơnê tơdrong pôk tơmơ̆t đơ̆ng Dơnŏ anĭh tơm Chĭnh trĭ, Ban Bí thư păng Khŭl kơdră chĕp pơgơ̆r Đảng dêh char hlôi lui kiơ̆, pơjao ăn tơdrong jang păng pơma pơkăp gô hơnơ̆ng hŏk pơhrăm mă brĕ hlŏh dơ̆ng, vei kơ jăp jơhngơ̆m đon chĭnh trĭ, jơhngơ̆m đon ‘lơ̆ng; kơrŭn đĭ jơhngơ̆m atŭm hăm Khŭl Dơnŏ anĭh chĕp pơgơ̆r Đảng dêh char jang kiơ̆ jơnei rim trong tơlĕch jang kơ dêh char.

Tơblơ̆ nơ̆r: Amazưt