VOV4.Bahnar - Atu\m hăm ja#p teh đak, Anih jang vei xơđơ\ng trong nơnăm dêh char Gia Lai pơm lêh tơle\ch tơroi tơbăt pơtho găh khôi luơ\t păng hơlen xek tơlang tơdrong pơm glăi pơkăp vei xơđơ\ng trong nơnăm ăn đe tơdăm rơchong kon kông vă tơjur tơdrong xar bar trong nơnăm lơ\m tơring kon pơlei kon kông kơ dêh char.

Kiơ\ Anih vei xơđơ\ng trong nơnăm dêh char Gia Lai, adro# lơ\m 2 khei blu\ng xơnăm âu, tơ\ dêh char đei 56 tơdrong xar bar trong nơnăm hli hlơt, pơm 46 ‘nu bơngai lôch păng dôm j^t ‘nu bơngai rơka. Hloh tong ane# kơso# xar bar tơre\k truh đe tơdăm rơchong kon kông. Lơ\m noh tơ\ xăh Ia Hrú hlôi đei 5 ‘nu lôch. {ok Huỳnh Thái Nghiêm, Kơdră Anih vei lăng kon pơlei xăh Ia Hru\, apu\ng Chư\ Pưh ăn tơbăt, pơđ^ 5 ‘nu âu noh ưh đei tu môk baoh hiểm, 2 ‘nu tam mă đei hla bar pơkăp vơ\r gre honđa. Atu\m hăm dôm tơdrong kơtă âu, [ok Nghiêm akhan, đei minh păh tơdrong ưh kơ tro\ đơ\ng tơdrong chu kơ kon hơ ioh đơ\ng kon pơlei tơ\ tơring: “Unh hnam chu kiơ\ kon hơ ioh lơ\m tơdrong vih vơ\t hăm gre kơmăi. Mă ưh ke\ đei jên, mă lei unh hnam duh răt kho\m mă đei gre ăn kơ kon. Tơdrong chă vih vơ\t vơ\r gre kiơ\ trong mă tam hlôh vao hơdăh, noh pơm ăn đei dôm tơdrong j^ bơnôh thoi ăi. ‘Nho\ng oh lơ\m unh hnam pơngơ\t kơ đon, ưh đei kơche\ng  truh kon hơ ioh tih vơ\ djơ\ ‘lơ\ng, hao gre kiơ\ trong mă hiong răm thoi ăi, ưh kơ ê ôh. Đe ye\t j^ bơnôh tôch dêh”

Tơblang găh dôm tơdrong xar bar trong nơnăm lơ\m tơring kon pơlei kon kông, Anih vei xơđơ\ng trong nơnăm dêh char Gia Lai ăn tơbăt, lơ bơngai [ơm xar bar noh đe tơdăm rơchong, bơngai jang tơm kơ unh hnam. Tơdrong xar bar [ôh mă lơ noh yuơ vơ\r gre et tơdrô bier, vơ\r gre renh, ưh đei tu môk baoh hiêm, hao gre ưh đei kơche\ng veh ve\ch âu to... tam mă [ôh băt păng tang găn tơtom.

{ok Nguyễn Văn Hạnh, Pho\ Kơdră Anih jang găh trong nơnăm, Pho\ Kơdră Anih vei xơđơ\ng trong nơnăm dêh char Gia Lai ăn tơbăt, ‘măng tơm chă tơroi tơbăt pơtho găh khôi luơ\t păng hơlen xek tơlang tơdrong pơm glăi pơkăp vei xơđơ\ng trong nơnăm lơ\m khul tơdăm kon kông noh vă hơto\k tơdrong hlôh vao, pơm kiơ\ khôi luơ\t vei xơđơ\ng trong nơnăm tơ\ tơring pơxe\l, tơring kon pơlei kon kông, mă hăt noh dôm tơring oei tơje# jăl trong tih. Lơ\m noh, dêh char tơre\k găh dôm trong jang tơguăt đơ\ng tơroi pơtho păng xek tơlang tơnăp kiơ\ khôi luơ\t găh pơm glăi pơkăp vei xơđơ\ng trong nơnăm: “Mă mônh, tơguăt chă tơroi tơbăt lang xă hăm đe tơdăm tơngăm kơ et xik tơdrô, chă khenh kơdâu vu\t vơ\t [ơ\t vơ\r gre rok trong. Mă [ar noh chă hơlen, ưh adro# tơ\ jăl trong tih mă oei hơlen rok trong pơlei pơla hloi, mă kăl tơ\ dôm jăl trong tơkuh băl tơ\ tơring kon pơlei năm le\ch truh trong tih vă tang găn đơ\ng blu\ng dôm tơdrong tơm pơm đei xar bar kiơ\ rok trong nơnăm”

Vang năm ako\m ‘năr iung pơm jang, Siu Hiên (oei tơ\ pơlei Rú Rưng, xăh Ia Hrú) ăn tơbăt: “Kơdih po inh ning mônh kơnh [ơ\t hao gre vih vơ\t kiơ\ trong nơnăm gô pơm kiơ\ [lep pơkăp tơle\ch đơ\ng Đảng, khôi luơ\t đơ\ng teh đak. Adrol kơ hao gre vih vơ\tkiơ\ trong nơnăm noh inh athei tu môk baoh hiêm, ưh đei et xik tơdrô ôh, ưh đei hao renh kơdâu kư\ kă, ưh đei tơpluh kuer [ô gre ôh”

         ‘Măng tơle\ch tơroi tơbăt, pơtho khôi luơ\t teh đak păng chă hơlen xek phak dôm tơdrong pơm glăi pơkăp vei xơđơ\ng trong nơnăm lơ\m khul tơdăm kon kông tơ\ dêh char Gia Lai đei pơgơ\r lơ\m 3 khei, đơ\ng dang ei truh ăh khei 6 kơnh.

Lan chih păng rapor