VOV4.Bahnar - Gia Lai dang ei jing minh lơ\m dôm dêh char đei [ôh lơ hơ ioh hiang hiơp hloh kơ ja#p teh đak hăm hơkâu jăn hơ iơch hloh kơ xơnăm păng hiang hiơp jing kre\ ưh kơ ke\ tih kơđeh hloh kơ xơnăm po. Tơdrong mă me\ [ă ưh kơ hlôh vao, ưh kơ đei tơre\k vei rong kon hơ ioh tơnăp jing minh lơ\m dôm tơdrong tơm pơm đei tơdrong âu, mă hăt noh tơ\ tơring ataih yaih, tơring bngai kon kông.

Tơ\ lơ pơlei pơla kơ dêh char Gia Lai, hơ ioh hiang hiơp, kre đei [ôh lơ, mă hăt noh hăm hơ ioh tơ\ hơla 5 xơnăm. Lơ me\ [ă yuơ tơdrong erih tơnap tap, ưh kơ rơvơn hăm tơdrong jang mir na noh tam mă vei rong kon hơ ioh po. Lơ hơ ioh tơ\ dôm pơlei pơla ưh kơ đei ‘me xa tôm kơchơ\t bek ‘lơ\ng vă pran găh hơkâu jăn, pơm ăn kơting jing kre\, hiang hiơp. {ok Rchom Win, hơdrung Jarai, oei tơ\ pơlei Plei H’mrong Ngó, xăh Ia Ka, apu\ng Chư Păh, dêh char Gia Lai, tơroi găh tơdrong đei [ôh tơ\ pơlei pơla po: "Mih ma duch nă lơ\m pơlei, kon pơlei Ja rai noh dang ei ưh kơ gan tơre\k tơnăp truh tơdrong rong ‘me kon hơ ioh grăng pran păng kơchơ\t bek ‘lơ\ng ăn kon hơ ioh. Lơ\m pơlei đei đơ\ng 40-50% unh hnam thoi ăi, đe xư hơnơ\ng kơ le# hơ ioh chă thông ngôi kư\ kă đe\ch, oei chă tơre\k ăn tơdrong erih păng vei grăng jơhngơ\m jăn ăn kon hơ ioh noh tam mă tơnăp ôh”.

Tơje# hăm tơdrong pơngot hin dơnuh, tơdrong rơneh lơ kon hơ ioh păng tơdrong hlôh vao đơ\ng me\ [ă tơ\ tơring ataih yaih, tơring kon pơlei kon kông, găh tơdrongbek ‘lơ\ng ăn hơ ioh tam mă đei kơchăng tơnăp ôh. Đơ\ng noh, pơm ăn tơdrong hiang hiơp, kre\ hăm hơ ioh tơ\ dôm tơring âu jing lơ. Điều dưỡng Lưu Thị Tâm, Thư k^ tơdrong jang hơto\k kơchơ\t ‘lơ\ng ăn hơkâu jăn apu\ng Chư Păh, dêh char Gia Lai ăn tơbăt: "Yuơ apu\ng Chư Păh noh jing tơring kon pơlei kon kông đei truh 53% noh tơdrong hlôh vao găh kơchơ\t bek ‘lơ\ng tam mă tơnăp ôh. Minh păh noh, tơdrong hlôh vao đơ\ng kon pơlei oei kơđeh, mă tơm noh jang mir na noh tam mă măh tơmam xo\ng xa. Kon pơlei erih noh oei kiơ\ khôi xo noh tơdrong vei lăng jơhngơ\m jăn ăn hơ ioh tam mă kjung. Mă kăl, ăh jang pơm tơle\ch phe [a, plei ‘long lơ\m pơgar tam mă băt yua tơmam hlôi đei tơ\ tơring vă tơmơ\t lơ\m tơdrong xo\ng xa rim kơ năr”

Mă tơdrong jang tang găn păng tơjră hiang hiơp tơ\ Gia Lai hlôi đei jơnei lơ ră, mă lei tơdrong hiang hiơp tơ\ tơring âu to\k bo\k oei [ôh lơ mơ\n, kăl kơ đei tơre\k păng hơmet. Kiơ\ kxo# hơlen ‘nao âu đơ\ng Anih jang hơlen tơmam bek ‘lơ\ng kơ teh đak, Gia Lai jing minh lơ\m dôm dêh char đei hơ ioh hiang hiơp lơ hloh lơ\m ja#p teh đak. Hơdăh noh, kxo# hơ ioh tơ\ hơla 5 xơnăm hiang hiơp hơke\ hơkong ăh xơnăm 2014 tơ\ tơring âu noh je# 25%; oei kxo# hơ ioh tơ\ hơla 5 xơnăm hiang hiơp kre\  noh je# 36%.  Lơ\m kplăh noh, lơ\m ja#p teh đak, kxo# pơkă noh  je# 15 păng 25%. Vă jang đei jơnei găh tơchơ\t bek ‘lơ\ng kơ teh đak ăn hơ ioh tơ\ Gia Lai, kăl đei tơdrong iung jang kơ tôm anih jang Ch^nh tr^ tơ\ tơring. {ak sih  Lê Thị Thanh Hương, Pho\ kdră Anih vei lăng jơhngơ\m jăn păng rơneh hơ ioh dêh char Gia Lai ăn tơbăt:"Kiơ\ trong pơkăp jang kơ teh đak găh kơchơ\t bek ‘lơ\ng duh hlôi ră hơdăh păng tơle\ch tơjur tơdrong hiang hiơp hăm hơ ioh tơ\ hơla 5 xơnăm. ‘Nâu jing xơnong jang atu\m kơ tơpôl păng rim kon pơlei ưh kơ x^ adro# kơ anih jang y tế ôh. Yuơ noh, vă xek tơlang tơdrong hiang hiơp hăm hơ ioh tơ\ hơla 5 xơnăm noh tôm anih jang athei vang jang dih băl"

Hiang hiơp gô pơrăm kơtă truh tơdrong hơto\k păng tih vơ\ hăm hơ ioh, pơm tơjur kơ\l ‘ngok hlôh vao ning mônh kơnh. Atu\m hăm noh, hiang hiơp duh pơm j^ pơlo\ tro\ tơngie\t păng mưh [ơm j^ noh hơ ioh đunh kơ klaih, phơ pho\ to\k jing j^ hlăm dơ\ng. Mă hăt noh, hơ io\k tơ\ hơla 5 xơnăm noh jing xơnăm ato\k kăp g^t păng tih vơ\ tenh hloh, kơting xe\ch pham lơ\m hơkâu jăn keh đang, mă kăl noh trong hoan ‘ngok tơm păng jơ\ng ti. Yuơ noh, hơto\k hlôh vao ăn me\ [ă găh tơdrong axong tôm kơchơ\t bek ‘lơ\ng ăn hơ ioh jing tơdrong kăp g^t hloh tơ\ dêh char Gia Lai, mă hăt noh tơ\ tơring ataih yaih, tơring bngai kon kông, tơring mă hlôh vao kon pơlei tam mă kjung, mu\k drăm tơpôl adoi oei lơ tơnap tap.

Lan chih păng rapor