VOV4.Bahnar - Nhen anih rađiô nơ\r pơma Việt Nam hlôi tơroi, tơ\ xăh Ia Dêr, apu\ng Ia Grai, dêh char Gia Lai ‘nao đei tơdrong lôch glơ\k tơ\ đak pơm 3 ‘nu hơ ioh ho\k tơ\ hnam trưng jăl kơ đeh lôch răm. Lơ\m dôm xơnăm kơ âu, lơ\m tơring kơ xăh Ia Dêr hlôi đei 8 ‘nu hơ ioh lôch glơ\k tơ\ đak, păng lơ\m ja#p dêh char Gia Lai đei truh 35 ‘nu hơ ioh lôch yuơ tơdrong mă âu. Công Bắc - chih kơtơ\ng ang ăn anih rađiô nơ\r pơma Việt Nam tơ\  Tây Nguyên tơroi găh tơdrong đei [ôh âu tơ\ hơla:

Xa tết đang, tơdrong he\l xơ ‘ngon lôch răm tơ\ pơlei Pei blang Một, xăh Ia Dêr, apu\ng Ia Grai, dêh char Gia Lai yuơ tơdrong lôch hơchăng ưh kơ ê đơ\ng 3 ‘nu hơ ioh ie\, lăp ‘nao 8 păng 9 xơnăm; noh  Ksor Lực, Puih Khưn păng Puih Phơn. Roi j^ bơnôh hloh, pơđ^ 3 ‘nu hơ ioh bngai Jarai âu jing ‘nho\ng oh yă [ok, hnam tơje# băl păng lôch atu\m lơ\m dơnâu đak tơ\ pơlei tơje# hnam. Băt ‘mêm kơ kon hơ ioh, ‘nho\ng oh lơ\m unh hnam pơngơ\t kơ đon, kơlih tơhăt kơ jang tơ\ mir na noh ưh kơ tơbăt hơdăh găh dôm tơdrong hli hlơt đơ\ng dôm dơnâu đak glung tăp dăr pơlei. {ok Rơ Chom Hunh, mih kơtơh kơ bre mon Puih Khưn păng Puih Phơn xơ ‘nhôi pơma: “Unh hnam nhôn to\k bo\k tơjra#m tơdrong ưh kơ ‘lơ\ng, hiong kon mon lôch glơ\k tơ\ đak, nhôn pơngơ\t kơ đon duh yuơ ưh kơ văn tơhăt hăm tơdrong jang mir na, ưh kơ đei tơre\k truh đe mon noh đei he# tơdrong j^ bơnôh âu. Đơ\ng ro\ng tơdrong âu, nhôn ‘meh vă rim me\ [ă, yă [ok athei hơnơ\ng tơre\k truh tơbăt ăn kon xâu hơdăh hloh tơ\ dôm anih đei dơnâu đak noh athei kơchăng, bơ\ pơga tăp dăr mă kjăp, ưh kơ le# hơ ioh lơ\m pơlei mơ\t hu\m glơi vă tang găn đei tơdrong hli”

‘Nâu ưh kơ x^ ‘măng mă blu\ng Plei  blang Một bơ\ng pang tơdrong j^ bơnôh yuơ lôch glơ\k. Đunh kơ noh minh xơnăm, pơyan phang xơnăm 2013, kon pơlei duh hiơ\r kơ jơhngơ\m yuơ adoi đei lôch glơ\k tơ\ đak nhen thoi âu, pơm 3 ‘nu hơ ioh ie\ lôch lơ\m dơnâu đak tơ\ pơlei. Oei hăm xăh Ia Dêr, apu\ng Ia Grai, noh âu jing xơnăm mă 3 pơtoi hloi đei tơdrong lôch glơ\k tơ\ đak hăm 8 ‘nu hơ ioh lôch glơ\k.

 Tơdrong pơhơi đơ\ng me\ [ă, tơdrong mă hơ ioh ưh kơ hlôh vao găh tang găn păng tơjră lôch glơ\k tơ\ đak, atu\m hăm tơdrong ưh kơ đei xđơ\ng tơ\ dôm dơnâu đak, đei xkơ\t jing tơdrong tơm pơm ăn dôm tơdrong lôch glơ\k j^ bơnôh tơ\ xăh Ia Dêr. {ok Puih Alốt, kang [o# jang  Y tế xăh Ia Dêr, apu\ng Ia Grai, dêh char Gia Lai ăn tơbăt:“Dôm xơnăm kơ âu noh lôch hơnơ\ng, xơnăm mă yơ duh đei mon lôch glơ\k tơ\ đak yuơ đe xir kôch vă io\k đak ruih café, kơdih po inh jang tơ\ anih y tế xăh noh inh hơvơn kon pơlei lơ ‘măng bơih noh me\ [ă năm jang mir tơ\ ataih ưh kơ đei vei hơlen tơnăp kon hơ ioh, noh ba xir kôch dơnâu đak athei văr pơga tăp dăr hăm rơbưn dăh mă pơ o phat vă tang găn ưh kơ ăn hơ ioh mơ\t hu\m hli đei tơdrong ưh kơ ’lơ\ng”

Kiơ\ tơdrong hơlen đơ\ng anih jang Lao đo\ng Thơng bĩnh ăh ho#i dêh char Gia Lai, lơ\m dôm xơnăm kơ âu, ja#p dêh char hlôi đei dôm j^t ‘măng lôch glơ\k tơ\ đak, pơm 35 ‘nu hơ ioh lôch hơchăng. Lơ tơdrong lôch glơ\k tơ\ đak noh ăh pơyan phang, ăh khei pơdơh ho\k, hơ ioh xo# băl năm hu\m tơ\ dơnâu đak glung, đak krong. Mă rim xơnăm, dôm anih jang kpal kơ dêh char Gia Lai adoi đei tơdrong tang găn păng tơjră lôch glơ\k tơ\ đak ăn hơ ioh, mă lei ưh kơ đei tơdrong jang kăl tơpă. Lơ\m tơring kơ dêh char tam mă đei dơnâu glơi đak kơ teh đak kiơ\ xkơ\t, pơtơm đei minh [ar dơnâu đak glơi kơdih tơ ‘ngla ming man tơ\ plei tơm Pleiku. Yuơ noh, tơdrong pởhăm ăn hơ ioh glơi đak tơjra#m lơ tơnap tap; minh [ar anih jang tơpôl, hnam trưng ho\k duh adro# pơtho ăn hơ ioh glơi tơ\ kông đe\ch! {ok Nguyễn Ngọc Hải - Kdră anih jang găh vei rong hơ ioh kơ anih jang Lao đo\ng thơng binh xăh ho#i dêh char Gia Lai ăn tơbăt: “Dang ei lơ\m tơring kơ dêh char ưh kơ đei anih pơtho pơhrăm ăn hơ ioh glơi đak. Kang [o# pơtho glơi đak kơ anih jang joh ayo\ tơplo\ng kơdâu lơ\m dôm xơnăm kơ âu duh ưh kơ đei pơkăp lơ\m tơdrong pơtho ho\k pơhrăm. ‘Nâu jing tơdrong pơngơ\t kơ đon đơ\ng dôm anih jang, mă hăt noh anih jang Lao đo\ng thơng binh xăh ho#i. Lơ\m kheinăr truh, nhôn gô pơtoi tơgu\m ăn jơnu\m pơgơ\r anih jang, duh nhen jang atu\m hăm dôm anih jang hơvơn pơtho pởhăm pơtru\t jang hơdăh hloh, tơnăp hloh vă tơgu\m ăn đe hơ ioh hlôh vao vă tang găn lôch glơ\k tơ\ đak, mă g^t noh ăh pơyan pơdơh ho\k truh âu kơnh.

Ưh kơ đei dơnâu đak glơi, ưh kơ đei cham pơhiơ\ ăn hơ ioh, noh ăh pơyan phang, mă hăt noh rim pơyan pơdơh ho\k, ho\k tro tơdui băl năm hu\m tơ\ đak krong đak glung, dơnâu đak lơ\m kplăh tơdrong hlôh vao tam mă tôm. Noh jing tơdrong tơm kăp g^t pơm ăn tơdrong mă hơ ioh lôch glơ\k tơ\ đak tơ\  dêh char Gia Lai hơnơ\ng kơ [ôh. Dang ei jing ăh khei tơm kơ pơyan phang, ho\k tro vă je# pơdơh kơ ho\k, me\ [ă păng anih jang kpal kơ dêh char Gia Lai kăl tơre\k, vei lăng kon hơ ioh mă tơnăp vă tang găn tơdrong lôch răm he\l xơ ‘ngon thoi âu.  (Lan chih păng rapor)