VOV4.Bahnar - Đơ\ng ro\ng hloh 1 xơnăm koh hu\t le# je# 2 héc-ta kxu, truh dang ei, ‘nho\ng Ksor Black, oei tơ\ pơlei Ngol Tah, plei tơm Pleiku duh ưh kơ băt vă tơplih hăm hdre\ch ‘long pơtăm kiơ. ‘Nho\ng Black ăn tơbăt, xơnăm 2008, ‘nho\ng răt hloh 700 tơđăh kxu tơ\ minh pơgar ơng rei tơ\ plei tơm Pleiku. Jo# truh xơnăm 2014, kxo# jên răt tơđăh ‘long pơtăm păng axong găh pho\ng rei ăn pơgar kxu to\k truh je# 100 triu hlak jên. Mă lei, ăh kôih hloh 500 tơm hlôi tôm nhen xkơ\t noh [ôh ăh rim tơm ưh kơ đei kơtăk kxu. ‘Mêm kơ jơhngơ\m jang lơ\m 6 xơnăm, xơ ‘ngon yuơ hoach jên axong jang, mă lei ‘nho\ng Black athei koh hu\t le# pơgar kxu vă pơm ‘long unh pai xa. ‘Nho\ng Black tơroi:“Inh răt tơđăh tơ\ anih ơng Hàm Rồng. Ăh răt noh ‘lơ\ng, đơ\ng ro\ng kơ noh ba pơtăm. Ăh vei lăng noh hăp to\k giơ\ng ưh kơ đei kiơ, đunh kơ noh hăp ưh kơ đei kơtăk. He\l kơ đon yuơ ba axong jang ăn kơ hăp lơ dêh, mă ano# đ^ đăng noh ưh kơ đei io\k yua kiơ noh phă le# đe\ch”.

Lơ xơnăm jang mir rơgei kơ dêh char Gia Lai, io\k jang xơnong Kdră jơnu\m bngai jang mir tơ\ xăh, mă lei [ok Phạm Phú Hoan, oei tơ\ thôn 16, xăh Bờ Ngoong, apu\ng Chư Sê duh răt tro\ hơdre\ch ưh kơ ‘lơ\ng. Khei 6 xơnăm xơ\, [ok păng lơ bngai jang mir lơ\m xăh năm truh minh ko\ng ti ơng rei tơđăh ‘long pơtăm mă đe ư ang tơ\ Đắc Lắc răt 600 tơđăh [ơr Booth vih pơtăm. Anih te\ch tơbang âu jing hơdre\ch [ơr đei plei tih, hơkâu dreng, pui [âu phu... mă lơ plei hloh kơ tơm [ơr hmă. Mă lei, đơ\ng ro\ng tong ane# khei pơtăm tơ\ teh, [ok Hoan tơtă hơdre\ch ưh kơ ‘lơ\ng:“Pơtăm đang, inh [ôh lơ anih pơgep jing găm bra#p, ôm anih gep păng lôch kro, dang ei oei dôm j^t tơm mă lei hăp ưh kơ giơ\ng pran ôh. Apinh lu xư, noh lu xư akhan găh trong pơtăm hmă, ưh kơ đei tơroi kiơ truh kih thuơ\t. Unh hnam inh pơtăm ưh kơ đei xa noh lao đon dêh. Mă mônh noh hăp pơrăm găh mu\k drăm, mă 2 noh ưh kơ đei xa plei, băt chă tơtok kơ bu. Dang ei, inh kơdih ơng rei tơđăh. Ning mônh kơnh năm tơ\ Đắc Lắc, inh chă apinh măt [ơr Boot, kơdih po inh chă pơgep vă hăp xđơ\ng ‘lơ\ng”

Ưh kơ adro# đei tơđăh kxu, [ơr ưh kơ ‘lơ\ng, yơ\ng âu ki, Anih jang hơlen kơ anih choh jang xa păng ato\k tơring pơxe\l dêh char Gia Lai hlôi pơgơ\r năm hơlen tơ\ minh [ar anih jang rei ơng tơđăh ‘long mắc ca. Kiơ\ kơ noh, lơ anih jang âu adoi ưh kơ đei tơbang hơdăh tơm a hla chă tơđăh ‘long pơtăm mă po te\ch tơle\ch.

Dang ei, adro# lơ\m tơring kơ plei tơm Pleiku hlôi đei kơ hre\ng anih ơng rei păng te\ch tơđăh ‘long pơtăm. Ưh kơ xđơ\ng hăm tơdrong ơng rei tơđăh lang xă, mă kih thuơ\t rei pơtăm noh tơnap kơ hơlen, pơm ăn bngai jang mir tơnap kơ băt hơdăh mă yơ tơđăh ‘long pơtăm ‘lơ\ng xđơ\ng, mă yơ hơdre\ch ưh kơ ‘lơ\ng.

Hăm ‘long pơtăm đunh năr, tơdrong [ôh băt hơdre\ch ưh kơ ‘lơ\ng noh duh hiong [ar pêng xơnăm. Hiong jên, hiong jơ ‘năr jang, hoach jơhngơ\m jang dơ\ng, bngai jang mir chiu pu\ răm đe\ch. Vă tơjur [iơ\ tơdrong âu, [ok Lê Xuân Lịnh, Pho\ kdră Anih choh jang xa păng ato\k tơ iung tơring pơxe\l dêh char Gia Lai pơtruh nơ\r: “Tôm hơdre\ch tơđăh ‘lơ\ng, hơdre\ch đei xkơ\t đơ\ng Anih tơm choh jang xa păng ato\k tơring pơxe\l dang ei lơ\m tơring kơ dêh char nhen le\ đei pơkăp xđơ\ng ngăl. Đơ\ng xơ\, hơdre\ch tơđăh ưh kơ ‘lơ\ng mă lơ noh tơ\ tơring ataih yaih, dăh mă kon pơlei tam mă băt hơdăh. Rim xơnăm, ăh pơyan choh pơtăm, Anih choh jang xa păng ato\k tơring pơxe\l duh đei tơdrong tơroi tơbang găh hdơdre\ch ‘long pơtăm đei anih xkơ\t păng pơyan jang. Anih choh jang xa duh nhen dôm apu\ng th^ xăh to\k bo\k tơroi hăm kon pơlei duh nhen dôm anih jang doanh nghiệp kơdih chơ chă, io\k păng răt dôm hơdre\ch âu tơ\ tơring lơ\m dêh char”.

Gia Lai pơma adro#, Tây Nguyên pơma atu\m to\k bo\k ăh khei rei pơtăm, tơdrong kăl găh hơdre\ch tơđăh lơ hloh kơ tơdrong axong đơ\ng dôm anih rei ơng tơđăh mă đe lui ngeh nhen [ok Lê Xuân Lịnh- Pho\ kdră Anih choh jang xa păng ato\k tơring pơxe\l Gia Lai tơre\k truh. Vă tang găn hiong jên, hoach jơhngơ\m jang yuơ răt tro\ hơdre\ch ưh kơ ‘lơ\ng, bngai jang mir athei kơchăng lơ\m tơdrong rơih hơdre\ch păng anih te\ch tơle\ch hơdre\ch tơđăh ‘long pơtăm. Atu\m hăm noh, anih jang kpal kăl hơlen, xek tơlang tơnăp dôm anih axong hơdre\ch tơđăh ưh kơ ‘lơ\ng, tơgu\m ăn mih ma duch nă ke\ đei hơdre\ch tơđăh ‘long pơtăm ‘long, ưh kơ đei pơngơ\t hăm tơdrong ưh kơ ‘lơ\ng dăh mă ‘lơ\ng mă ưh kơ băt chă gơnơm kơ bngai yơ.

Lan chih păng rapor