VOV4.Bahnar - Anih pơ gơ̆r jang tang găn jĭ Covid-19 kơ dêh char Gia Lai pơ gơ̆r hôp trư̆k tuyê̆n hăm Anih Anih gơ̆r jang kơ dôm apŭng, thĭ xăh, plt hơ nơ̆ng tơ lĕch tơ drong jang tang găn jĭ, vei lăng sơ đơ̆ng ‘lơ̆ng ăn pôk rơih bơ ngai tang măt Kuô̆k hô̆i jăl XV păng Jơ nŭm pơ gơ̆r kon pơ lei jơ̆p tơ ring đơ̆ng 2021-2026. Tơ̆ hop akŏm, Khul kơ dră chĕp kơ̆l Anih pơ gơ̆r jang roi tơ băt, pơ tho tơ ƀôh trong tang găn jĭ Covid-19 păng vei lăng sơ đơ̆ng ‘lơ̆ng ăn pôk rơih.

Pơ ma pơ tôch hop akŏm, Dơ nŏ anih vei lăng kon pơ lei dêh char athei dôm anih jang kơ pal, tơ ring tơ rang đei trong jang hrơ̆ch ‘lơ̆ng lơ̆m tơ drong tang găn jĭ, vei lăng ‘lơ̆ng tôm tơ mam, mă loi ‘nŏh tơ mam vă tang găn jĭ ăn dôm bơ ngai đei pơ jao năm bơ̆ jang. Dơ nŏ anih vei lăng kon pơ lei dêh char athei drơ̆ng nơ̆r găh trong hơ met pơ ‘lơ̆ng kơ phĭu, tơ lĕch jang ‘lơ̆ng dôm trong tang găn jĭ Covid-19 lơ̆m tơ drong pôk rơih.

Dơ̆ng: Tơ blơ̆