VOV4.Bahnar  – Jơnŭm pơgơ̆r găh tang găn păng tơjră jĭ Covid-19 dêh char Gia Lai ‘nao tơlĕch jang vei xơđơ̆ng tơdrong jang y tê̆ păng vei tơnăp tơdrong tang găn păng tơjră jĭ Covid-19 ăn tơdrong pôk rơih bơngai jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang xơnăm 2021-2026. Tơdrong tơm vă jang noh vei xơđơ̆ng tơdrong jang y tê̆ vă hơlen kơjăp păng tang găn pơrang jĭ Covid-19 tơpoh lang xă lơ̆m dêh char; atŭm hăm noh vei xơđơ̆ng tơdrong jang y tê̆, vei rơgoh tơmam drăm xa, tơtom xek tơlang ƀơ̆t đei tơdrong ưh kơ ‘lơ̆ng hăm jơhngơ̆m jăn bơngai lĕch măt tơgar, kang ƀô̆ vang jang lơ̆m anih pơgơ̆r pôk rơih păng kon pơlei tăh hla adrol, lơ̆m khei năr pơm jang găh pôk rơih. Kiơ̆ kơ noh, pơkăl 100% anih pôk rơih lơ̆m dêh char pơm kiơ̆ dôm tơdrong pơkăp tang găn păng tơjră jĭ Covid-19; đei pruih pơgang pơlôch xơmach hăm Cloramin B adrol păng đơ̆ng rŏng kơ pôk rơih; dôm tơdrong jang kơ pôk rơih pơm kiơ̆ ƀlep pơkăp 5K đơ̆ng Anih tơm Y tê̆.

Lan chih păng pơre nơ̆r