VOV4.Bahnar - Yang Trung ‘noh jĭ xăh mă blŭng kơ apŭng mơ mat tat dêh hloh Kông Chro, dêh char Gia Lai hlôi jang đang hơ drol tơ ring tơ rang ‘nao. Ƀơ̆t đei rơ̆ih pơm xăh pơ long lăng, xăh Yang Trung lăp đei 7/19 tơ drong hơ găt; lơ̆m xăh đei hloh 50% ‘noh bơ ngai kon kông, tơ drong arih sa oei lơ mơ mat tat. Kơ dră đảng, khŭl kơ dră păng đĭ đăng rim anih jang, Mặt trận xăh hlôi tơ lĕch jang hrơ̆ch 1 ‘măng tôch kơ lơ tơ drong jang, mă loi ‘noh jĭ akŏm dar deh tơ plih trong jang mŭk drăm ‘long pơ tăm. Lơ̆m xăh dang ei đei 2 Hơp tak xăh, pơ đĭ 2 hơp tak xăh tă kơ tơ gop pơm ăn tơ drong jang, hơ tŏk iŏk yua ăn rim bơ ngai jang păng kon pơ lei lơ̆m tơ ring. Gơ nang đơ̆ng ‘noh, sơ năm 2020 iŏk yua jô̆ păh lăp kơ̆l bơ ngai kơ xăh Yang Trung đei 41,6 triệu hlak jên 1 ‘nu, kơ sô̆ ŭnh hnam dơ nuh hin oei pă 4,15%”.

Thuem: Tơ blơ̆