VOV4.Bahnar -  Kiơ̆ trong jang, năr dơning, năr 24/3, ‘măng hop akŏm tuch luch kơ Kuô̆k hô̆i jăl XIV gô pơgơ̆r blŭng a, păng tơchĕng hơlau ‘măng hop akŏm au pơgơ̆r lơ̆m 12 năr. Lơ̆m au, găh đunh jơ ‘năr kơ hop akŏm ‘măn ăn hơlen hơdăh khŭl kơdră chĕp pơgơ̆r. Kuô̆k hô̆i gô ăn tơgop nơ̆r tơroi tơbăt bơ̆ jang jăl jang XIV kơ Kuô̆k hô̆i; jăl jang 2016-2021 đơ̆ng Kơdră chĕp pơgơ̆r tĕh đak, Khŭl kơdră chĕp pơgơ̆r tĕh đak, Dơnŏ anĭh tơm bơ̆ jang dăr lăng hơlen, Viện KSND Tối cao, Dơnŏ anĭh hơlên jên hu Tĕh đak.

Hơnih hop akŏm Diên Hồng lơ̆m Hnam Kuô̆k hô̆i Việt Nam

‘Ngoăih kơ ‘nŏh lăng hơlen pơdrơ̆ng kiơ̆ Tơchơ̆t hop akŏm mă 11, Kuô̆k hô̆i jăl XI; Khôi luơ̆t tang găn, iung tơ jră ma tuý (hơmet ming). Kuô̆k hô̆i gô pơgơ̆r tăh hla tơlĕch jang Kơdră chĕp pơgơ̆r tĕh đak hăm ƀok Nguyễn Phú Trọng, tăh hla tơlĕch jang Thủ tướng tĕh đak hăm ƀok Nguyễn Xuân Phúc, tăh hla tơlĕch jang Kơdră chĕp pơgŏr Kuô̆k hô̆i hăm yă Nguyễn Thị Kim Ngân; adoi pôk rơ̆ih kơdră chĕp pơgơ̆r pơtăl hăm trong tăh hla. Dôm kơdră đei pôk tơmơ̆t jang Kơdră ‘nao chĕp pơgơ̆r tĕh đak, Thủ tướng tĕh đak, Kơdră chĕp pơgơ̆r Kuô̆k hô̆i gô iung pơma pơkăp tŏk bơ̆ jang lăp đơ̆ng rŏng đei Kuô̆k hô̆i pôk tơmơ̆t.

Tơblơ̆ nơ̆r: Amazưt