VOV4.Bahnar - 30 xơnăm pơjing păng vơ\ pran tơ\ hơgăt teh Tây Nguyên, yak hloh dôm tơdrong tơnap tap ăh ‘năr blu\ng tơ iung pơjing, Binh đoàn 15 (Anih tơm linh teh đak) hlôi adrin hơto\k, keh đang tơnăp xơnong jang ato\k mu\k drăm, hơmet vei xđơ\ng tơpôl teh đak - vei xđơ\ng tơring xơlam kơ 2 dêh char Gia Lai păng Kon Tum. Yak hloh 30 xơnăm, tơguăt hăm tơdrong ato\k tơ iung kơ Binh đoàn jing tơdrong ph^ tơto\ kơ kon pơlei kon kông tơ\ tơring xơlam teh.  

Grua grua hơdăh hloh kơ {ô đo#i {ok Hồ tơ\ tơring xơlam teh kơ 2 dêh char Gia Lai păng Kon Tum noh koămâu jơk kơ tơm kxu. Vă je# 30 xơnăm adrol ki, Anih tơm linh teh đak pơtăm tơm kxu lơ\m tơring xơlam găh pơmơ\t kơ teh đak. Dôm bngai linh jang mu\k drăm kơ Binh đoàn 15 io\k xơnong jang păng hlôi keh đang tơnăp tơdrong pơkăl tơle\ch hơto\k mu\k drăm tơguăt hăm vei xđơ\ng tơpôl teh đak. Minh tơring xơlam ataih kơ hre\ng km hơnơ\ng đei vei kjăp păng mih ma duch nă dang ei hlôi ph^ tơto\ dơno\ ‘lơ\ng gơnơm đơ\ng tơm kxu, gơnơm đei tơdrong tơgu\m đơ\ng [ô đo#i {ok Hồ. {ok Rơ Mah Hin, bngai Jarai, Kdră pơlei Chan, xăh Ia Pnôn, apu\ng Đức Cơ ăn tơbăt, đơ\ng ro\ng je# 30 xơnăm atu\m hăm {ô đo#i mui choh teh pơtăm kxu, tơdrong erih kơ hloh 200 unh hnam kon pơlei Chan hlôi tơplih. {ok Rơ Mah Hin chơt hơ iă tơroi:“Tam mă jang kxu noh mih ma erih xa tơnap tap dêh. Dang ei jang kxu hlôi đei hnam oei, đei gre honđa, ato\k mu\k drăm, jang xa đei [ôh. Unh hơyuh, hnam trưng ho\k, hnam pơgang dang ei đei tôm bơih, kon hơ ioh adoi đei năm ho\k tơnăp mơ\n”

Vă mih ma duch nă tơ\ tơring xơlam gơh tơplih khôi juăt jang xo đơ\ng chă muih choh jơmu\l pơtăm vă pơtăm hơdre\ch ‘long đunh xơnăm, pơm jang kiơ\ trong ‘nao noh ưh kơ đei [ônh ôh. Tơdrong chă hơvơn, pơtho đei io\k jang hơnơ\ng. Hăm tơring đei kơdra#m kon pơlei kon kông erih jang xa, dôm tơ ‘ngla jang rơgei lơ\m pơlei pơla đei rơih năm ho\k păng tơmơ\ng jang Đảng. Đơ\ng ro\ng kơ noh, đe xư hlôi jing dơnơm vă chă hơvơn pơtho kon pơlei. {ok Kpuih Mực, jang ko\ng nhơ\n kxu,  Đảng viên mă blu\ng kơ pơlei Chan, xăh Ia Pnôn, apu\ng Đức Cơ tơroi: "Inh tơguăt kjăp hăm bngai jang ko\ng nhơ\n, tơguăt hăm kon pơlei vă ato\k mu\k drăm, pơjing pơlei pơla, tơring, anih jang ato\k tơ iung”

Binh đoàn 15 dang ei hlôi pơtăm đei hloh 42.000ha kxu, pơhlom 400 ha cà phê rok kiơ\ jăl trong xơlam teh tơje# hăm teh đak Campuchia kơ 2 dêh char Gia Lai păng Kon Tum. Kiơ\ đơ\ng noh, pơjing 6 anih kon pơlei oei xa rok kiơ\ xơlam teh, hơvơn hloh 17.000 ‘nu bngai jang, lơ\m noh đei vă je# 7.000 ‘nu bngai jang noh kon pơlei kon kông tơ\ tơring. Minh tơring xơlam găh pơmơ\t kơ teh đak to\k bo\k oei pơjing xkơ\t jrăng xơlam teh jơk hăm pơgar kxu, cà phê jơk [l^k. Atu\m hăm dôm pơgar kxu noh rim pơlei pơla pơdro\ng jơnap.

Vă mih ma duch nă băt hơdăh hlôh găh hơyak lơ\m 30 xơnăm pơjing, vơ\ pran păng hơyak truh âu kơnh kơ Binh đoàn 15 (Anih tơm linh kơ teh đak), bngai chih kơtơ\ng ang ăn Rađiô nơ\r pơma Việt Nam tơ\ Tây Nguyên hlôi pơma dơnuh hăm Thiếu tướng Đặng Anh Dũng, Kdră jang Tư lệnh Binh đoàn.

-P^nh: Apinh Thiếu tướng tơ roi truh dôm tơ drong jơ nei ‘lơ\ng hlo\h đơ\ng Binh đoàn 15 lơ\m 30 sơ năm pơ jing păng jang to\k lăng?

-Thiếu tướng Đặng Anh Dũng tơl: 30 sơ năm âu ki, hăm tơ drong che\p kơ\l đơ\ng Quân ủy Trung ương, An^h tơm vei lăng khul linh te\h đak ku\m hăm tơ drong adrin đơ\ng rim jơ hnơr kăn [o#, linh, ko\ng nhân, bơ ngai jang truh dang ei kăn [o#, bơ ngai jang tơ\ Binh Đoàn 15 đei hlo\h 42.000 ha ‘long pơ tăm tơ ter trong sơ lam kơ 2 dêh char Gia Lai păng Kon Tum. ‘Nao âu, Binh đoàn tơ mât jên pơ tăm ‘long cao su tơ\ Lào, Campuchia păng pơih xă hơ găt te\h pơ tăm truh tơ\ Quảng Bình. Vei kơ jăp tơ drong jang ăn hlo\h 17.000 ‘nu bơ ngai jang, jên khei jo# păh lăp đơ\ng 6,5 – 8 triu 1 ‘nu 1 khei.

Dôm tơ drong jơ nei mă Bình đoàn io\k đei tam mă lăp hăm tơ drong ‘me\h vă ră, mă lei 30 sơ năm âu ki tơ\ tơ ring Binh đoàn oei, tơ drong erih xa kơ bơ ngai jang, mă loi j^ kon pơ lei kon kông tơ\ tơ ring sơ lam to\k ‘lơ\ng. An^h jang, trong nơ năm đei tơ le\ch jên man roi ‘lơ\ng. Đ^ đăng an^h jang adoi đei hnam pơ gang quân dân y ngăl, đei đe [ok thây pơ gang vei lăng năng tông jơ hngâm jăn ăn khul linh, bơ ngai jang păng kon pơ lei lơ\m tơ ring. Rim hnam trưng đei tơ le\ch jên man kơ jăp ‘lơ\ng ‘năi.

-P^nh: J^ kơ đông linh jang mu\k drăm, oei tơ\ dôm dêh char Tây Nguyên, apinh Thiếu tướng tơ roi tơ băt trong jang hơ doi hăm khul kơ dră tơ ring lơ\m tơ drong jang ato\k tơ iung mu\k drăm tơ pôl tơ\ an^h Binh đoàn oei lăng?

-Thiếu tướng Đặng Anh Dũng tơl: Lơ\m tơ drong bơ\ jang, Binh đoàn ling lang jang hơ doi hăm an^h jang đảng, khul kơ dră tơ ring, kon pơ lei vă jang ‘lơ\ng tơ drong jang đơ\ng kơ dih. Binh đoàn lăng tơ drong jang ato\k tơ iung mu\k drăm tơ pôl tơ\ tơ ring ‘no\h j^ tơ drong jang chinh tr^ đơ\ng kơ dih. Tơ drong krao hơ vơn kon pơ lei đei lơ tơ drong rơ gei, đei yoa. Binh đoàn jang hơ doi hăm dêh char, apu\ng; Công ty jang hơ doi hăm apu\ng, xăh; khul cho\h jang oei hơ dai hăm pơ lei pơ la. Mă loi, nhôn hơ to\k trong jang ko\ng nhân yoăn jang hăm bơ ngai kon kông tơ\ tơ ring. Trong jang âu to\k pran ‘lơ\ng păng tôch đei yoa. Nhôn [ôh, tơ dăh đei kon pơ lei, khul kơ dră tơ ring tơ gu\m; an^h jang Đảng vang do\ng ‘no\h ưh đei tơ drong kiơ mă jang ưh ke\h, ưh đei tơ drong kiơ mă jang ưh đang ‘lơ\ng.

-P^nh: Jăl trong 30 sơ năm mă Binh đoàn 15 yak [ôh đei lơ tơ drong hơ iă đơ\ng An^h jang nuih mơng lơ\m khei ‘năr tơ plih ‘nao. Mă lei, ku\m [ôh, kơ plăh dang ei, mă loi j^ [ât kơ jă cao su jur kơ đe\h păng ro\ năng gô pơ dui đunh âu, trong jang đơ\ng an^h bơ\n găh tơ drong ‘nâu thoi yơ vă hơ met pơ ‘lơ\ng mơ mat tat, vei sơ đơ\ng păng jang to\k?

-Thiếu tướng Đặng Anh Dũng tơl: Blu\ng a, Binh đoàn athei hơ met ming an^h pơ gơ\r, khul jang ku\m nhen athei lăng năng kơ dih dơ\ng. Kiơ\ kơ inh, kơ jă cao su jur tôch dêh j^ tơ drong nol tih, mă lei ku\m đei mơ\n tơ drong ‘lơ\ng. Mă 1 mưh lăng năng kơ dih ‘no\h [ôh khul kơ dră pơ gơ\r dang ei tam mă pơm lăp hăm tơ drong ‘me\h vă. Mă 2, athei đei đon hiơt le# tơ drong jơ nei, vă gơ\h lăng [ôh rim tơ drong tơ\ hơ năp bơ\n. Vă bơ\ jang hơ met ming ‘no\h Binh đoàn oei pơ gơ\r lăng năng dơ\ng bơ ngai jang [iên che#, vă hơ met pơ ‘lơ\ng. M^nh tơ drong dơ\ng ‘no\h athei pơ tăm lơ kơ loăi ‘long, ưh gơ\h pơ tăm pôm ‘long cao su đe\ch, thoi no\h tôch mơ mat. Đon tơ che\ng ‘no\h, [ât yơ ‘long cao su kră, gơ\h ko\h hu\t, mưh [ôh lăp ‘no\h pơ tăm ming che\h phe. Mă 2, mưh ‘lơ\ng ‘no\h pơ tăm ‘ngie\t rong rơ mo. Hrei ‘nâu đei 2 khul rong pơ long năng, rong kiơ\ trong jang kơ măy kơ mo\k, blu\ng a ‘no\h rong rơ mo pơm ‘nhie\m, đơ\ng ro\ng kơnh pơih xă dơ\ng. ‘Ngoăih kơ ‘no\h vă pơ tăm pơ long năng 1, 2 kơ loăi ‘long pơm pơ gang, 1, 2 tơ ring pơ tăm bơ\n tiu pơm thoi yơ vă lơ\m 1 hơ găt te\h gơ\h hơ nhăk đei yoa lơ hlo\h. Hlo\h kơ ‘no\h dơ\ng, dang ei Binh đoàn đei 1, 2 hơ găt te\h ‘long cao su truh khei ‘năr ko\h hu\t, ‘long kră bơih ‘no\h vă tơ che\ng hơ len pơm hnam kơ măy ot tơ\r, pơm tơ mam te\ch tơ\ te\h đak đe, vă io\k yoa pơ đ^ ‘long cao su ep pơm tơ mam, pơm lăp hăm tơ drong ‘me\h vă tơ\ dôm te\h đak pơ dro\ng.

Tơ drong kăl loi ‘no\h pơm thoi yơ đơ\ng Yo\ng vei lăng Binh đoàn truh tơ\ bơ ngai jang hlôh vao Binh đoàn to\k pran ‘no\h tơ drong erih xa gơ\h to\k kiơ\. Tơ drong ‘nâu kăl đei tơ drong drơ\ng nơ\r đơ\ng an^h jang đảng, khul kơ dră che\p kơ\l Binh đoàn truh tơ\ bơ ngai jang. Tih hlo\h dơ\ng, mưh trong jang ‘nâu đei jơ nei, Binh đoàn to\k pran ‘no\h gơ\h pơm hơ to\k ‘lơ\ng truh tơ drong erih xa kơ tơ pôl lơ\m tơ ring. Mă loi, sư tơ [ôh hơ dăh trong jang rơ gei đei yoa ‘lơ\ng đơ\ng jang hơ doi mu\k drăm hăm vei sơ đơ\ng te\h đak đơ\ng Binh đoàn.

-Nơ\r bơ nê: Lei à, bơ nê kơ ih Thiếu tướng!

Lan - Dơng chih păng rapor