VOV4.Bahnar - Grŭp jang đak xăng đak dâu Việt Nam (Petrolimex) tơ băt, đơ̆ng ‘năr 14/8 truh ‘năr 18/8, Petrolimex hlôi tơ gŭm hloh 3,5 ti hlak jên, răt tơ mam pơ gang păng 125 tấn phe truh hnam pơ gang păng rim ŭnh hnam kon pơ lei tŏk bŏk tơ ƀơ̆p mơ mat tat tơ̆ tơ ring lơ dêh char găh pơ băh. Mă hơ dăh ‘noh: tơ gŭm 2 ti hlak jên pơ lăp hơ nih pơ truh hơ yuh oxy păng pơ truh khí nén ăn hnam pơ gang Nhiệt đới pơ lei tơm Hồ Chí Minh, Hnam pơ gang hơ met jĭ ăl Covid-19 pơ lei tơm Hồ Chí Minh păng 50 tấn phe; Tơ gŭm dêh char Đồng Nai 1 ti hlak jên tang găn jĭ hơ buh păng 25 tấn phe; tơ gŭm dêh char Long An păng Bình Dương 1 dêh char 25 tấn phe; Hơ dai hăm ‘noh, vang tơ gop lơ̆m jên mong tang găn jĭ Covid-19 kơ dêh char Đồng Tháp 250 triệu hlak jên păng dêh char Thừa Thiên Huế 300 triệu hlak jên. Hơ drol ‘noh, Petrolimex hlôi vang tơ gop 250 ti hlak jên lơ̆m jên mong vaccine bơ̆ng jĭ Covid-19.

Thuem: Tơ blơ̆