VOV4.Bahnar  – Pơgê năr 4/8, Phŏ Thủ tướng Vũ Đức Đam, Kơdră Jơnŭm pơgơ̆r jang tang găn păng tơjră pơrang jĭ COVID-19 'nao bơ̆ jang hăm Anih pơgơ̆r tang găn păng tơjră pơrang jĭ plei tơm Hà Nội  pơma pơgơ̆r tơ̆ hop akŏm, Phŏ Thủ tướng Vũ Đức Đam ră hơdăh, Hà Nội hơnơ̆ng jing tơring ƀônh hơbuh pơrang jĭ. Khei năr âu ki, tôm anih jang chĭnh trĭ păng kon pơlei Hà Nội hlôi đei lơ tơdrong adrin, kơ 'nôh vă tơjră hăm pơrang jĭ. Plei tơm Hà Nội hlôi đei xơkơ̆t trŏ ƀlep, gơh rơgei lơ̆m pơm kiơ̆ dôm trong tang găn păng tơjră pơrang jĭ. Phŏ Thủ tướng ăn tơbăt, Jơnŭm pơgơ̆r kơ teh đak găh tang găn păng tơjră pơrang jĭ COVID-19 păng Hà Nội đei tơdrong jang hadoi gĭt kăl. Gơnơm lơ̆m tơdrong tơblang đơ̆ng Khul tơroi tơbăt tenh kuăng  pơtơ̆ng găh pơrang jĭ tơnăp hloh, Jơnŭm pơgơ̆r jang, kơtă noh Phŏ Thủ tướng Vũ Đức đam hlôi pơma đam hăm Khul kơpal plei tơm Hà Nội, tơroi hăm Thủ tướng teh đak vă atŭm drơ̆ng minh tơlĕch trong pơgơ̆r jang kiơ̆ Tơchơ̆t 16/CT-TTg đơ̆ng Thủ tướng teh đak.  

Lan chih păng pơre nơ̆r