VOV4.Bahnar  – Kơsơ̆ 'năr brei 27/9, Anih vei lăng kon pơlei plei tơm Hà Nội tơlĕch tơchơ̆t găh tơdrong hơmet minh ƀar trong tang găn păng tơjră pơrang jĭ Covid-19 lơ̆m khei năr dang ei lơ̆m plei tơm.

          Hơdăh, đơ̆ng năr 28/9, Anih vei lăng kon pơlei plei tơm axong pơm kiơ̆ minh ƀar tơdrong jang, pơkăl dôm anih jang tĕch pơdro, kon pơlei pơm kiơ̆ tơnăp pơkăp 5K, athei hơlen pơkăp QR păng dôm trong tang găn păng tơjră pơrang jĭ đơ̆ng Anih tơm Y tê̆ păng plei tơm đei: pơtâ̆p tơplŏng kơdâu tơ̆ 'nguaih mă lei ưh gơh akŏm hloh 10 'nu; Anih jang tĕch pơdro; anih xĭt tĕch hơbăn ao hrŭk, tơmam drăm phơ̆m âu to.Anih vei lăng kon pơlei plei tơm pơjao ăn Anih jang Y tê̆ jang atŭm hăm dôm anih jang pơtoi pơm kiơ̆ pơkăp hơlen y tê̆, mă hăt noh iŏk hơlen 2-3 năr minh 'măng tơ̆ tơring pơkăp pơvei, anih hơbuh pơrang jĭ vă tang găn pơrang tơpoh lang xă; pơtoi hơlen vă keh đang tơdrong ƀet vaccine bơ̆ng jĭ.

Lan chih păng pơre nơ̆r