VOV4.Bahnar - Kiơ̆ kơ Liên đoàn lao động Hà Nội, jô̆ truh đĭ ‘năr 20/05 hlôi đei 296/296 Công đoàn anih jang mơ dro sa pơ jing “ Grŭp sơ đơ̆ng COVID-19” hăm hloh 7 rơ bâu 800 ‘nu bơ ngai vang jang. Đơ̆ng rŏng 5 năr tơ lĕch jang, pơ đĭ kang ƀô̆ Công đoàn rim anih jang kơ măy kơ mŏk păng pơm tơ lĕch Hà Nội mơ̆t jang, pơ tho khŭl jang kang ƀô̆ Công đoàn tơ ring jang hơ dai hăm anih jang mơ dro sa pơ jing rim “ Grŭp sơ đơ̆ng COVID-19.” Vă đĭ đăng rim grŭp hlôi pơ jing trong jang tơ jră, ư̆h kơ lê̆ đei tơ drong ư̆h kơ ‘lơ̆ng tơ̆ hơ năp tơ drong ư̆h kơ ê đei ƀôh. Rim năr, “ Grŭp sơ đơ̆ng COVID-19” lơ̆m rim anih jang mơ dro sa tơ roi tơ băt, pơ tho, tơ tă kơ kŏng nhân lơ̆m Grŭp bơ̆ jang kiơ̆ tơ păt rim trong jang tang găn jĭ tơ̆ anih bơ̆ jang păng ‘ngoăih jơ bơ̆ jang, mă loi ‘noh jĭ pơm kiơ̆ tơ păt tơ drong hơ len lăng hơ kâu yuh, gom muh măt, ngôi hơ tăih băl, tơ roi tơ băt y tế mă tơ păt.

Thuem: Tơ blơ̆