VOV4.Bahnar  – Pơgê âu (12/06), hloh 93.000 'nu hŏk tro tơ̆ Hà Nội năm pơlong mơ̆t hŏk lăm 10 THPT kŏng lâ̆p xơnăm hŏk 2021-2022 hăm 2 môn pơlong noh Ngữ văn păng Ngoại ngữ. Pơgê dơning (13/6), bơngai pơlong gô pơlong 2 môn dơ̆ng noh Toán păng Lịch sử. Vă vei xơđơ̆ng kiơ̆ pơkăp tơklăh oei ataih băl vă tang găn păng tơjră pơrang jĭ ăh bơngai pơlong năm pơlong, Phŏ kơdră Anih vei lăng kon pơlei plei tơm Hà Nội Chử Xuân Dũng, Kơdră Jơnŭm pơgơ̆r pơlong iŏk bơngai mơ̆t hŏk plei tơm Hà Nội xơnăm hŏk 2021-2022 pơkăl dôm anih pơlong axong kang ƀô̆ lăng thi athei truh hrôih vă xơng bơngai pơlong; atŭm hăm noh pơkăl 184 anih pơlong đơ̆ng rŏng kơ pơlong noh athei hơmet pơ 'nguaih, pruih pơgang tôm lăm pơlong, cham hnam trưng. Vă vei xơđơ̆ng ăn 'măng pơlong gơh xơđơ̆ng ƀlep pơkăp, Anih tơm Pơtho Pơhrăm Hà Nội hlôi hơvơn 500 kang ƀô̆ năm truh 184 anih pơlong păng akŏm khul năm hơlen vă truh dôm anih pơlong chă hơlen dôm tơdrong pơgơ̆r pơlong.

Lan chih păng pơre nơ̆r