VOV4.Bahnar - Đơ̆ng rŏng jơ nei đơ̆ng hop akŏm “ pơ ma dơ nuh hơ met pơ ‘lơ̆ng mơ mat tat hăm rim anih jang mơ dro sa đei jên tơ mơ̆t jên đơ̆ng teh đak đe”, pơ gê ‘năr 6/11, pơ lei tơm Hà Nội hơ nơ̆ng pơ gơ̆r hop akŏm “ Pơ ma dơ nuh hơ met pơ ‘lơ̆ng mơ mat tat hăm rim anih jang mơ dro sa lơ̆m tơ ring lơ̆m khei ‘năr jĭ Covid-19”. Hop akŏm đei tơ drong vang akŏm đơ̆ng 150 ‘nu tang măt - jĭ tang măt ăn 1,2 anih tơm, anih jang Trung ương; kơ dră chĕp kơ̆l pơ gơ̆r pơ lei tơm Hà Nội; Khŭl jang mơ dro sa, tơ drong jang, anih jang mơ dro sa tŏk bŏk bơ̆ jang lơ̆m pơ lei tơm. Hop akŏm ‘noh jĭ ‘măng vă kơ dră chĕp kơ̆l pơ lei tơm Hà Nội răp mơ̆ng dôm nơ̆r apĭnh đơ̆ng tơ pôl jang mơ dro sa, đơ̆ng noh đei trong jang tơ tom hơ met pơ ‘lơ̆ng mơ mat tat lơ̆m khei ‘năr bơ̆ jang pơm tơ lĕch, tĕch mơ dro đei ƀơm ưh kơ ‘lơ̆ng yua đơ̆ng jĭ covid-19. ‘Nao âu, Anih vei lăng kon pơ lei pơ lei tơm Hà Nội kŭm hlôi tơ lĕch trong vă jang găh tơ iung ming păng hơ tŏkt ơ iung mŭk drăm pơm lăp sơ đơ̆ng, tơ tĕnh, vei lăng đei yua jĭ Covid-19 lơ̆m jăl khei mă IV/2021 păng dôm sơ năm 2022, 2023.

Thuem: Tơ blơ̆