VOV4.Bahnar - Thủ tướng teh đak ‘nao đei hla ar athei gơ̆ih truh rim Anih tơm, anih jang “ Găh tơ drong hơ tŏk loi dơ̆ng rim trong jang kăl tang găn ŭnh sa, pĭt ŭnh sa bri”. Hla ar chih athei: Kơ dră Anih vei lăng kon pơ lei rim dêh char, pơ lei tơm găh trung ương tơ tĕnh pơ gơ̆r, tơ lĕch jang rim trong jang kăl tơ̆ hơ la âu: jang kiơ̆ tơ păt hơ năp jang vei lăng găh tơ drong jang tang găn ŭnh sa, pĭt ŭnh sa bri, hơ tŏk loi dơ̆ng tơ drong jang vei lăng, dăr lăng găh tang găn ŭnh sa, pĭt ŭnh sa bri, lăng ‘nâu jĭ tơ drong jang tơm; hơ len lăng dơ̆ng khŭl jang, gre, tơ mam, kon jên vă jang kiơ̆ ‘lơ̆ng tơ drong jang kăl “ puăn kơ tă hơ nih”; klăih song khŭl jang prăt năr prăt măng lơ̆m prăt pơ yan tŏ; hơ met ăn dôm hơ nih răp găn, dăr joang, vei răk tơ̆ dôm tơ ring tơm ƀônh kơ đei ƀôh ŭnh sa bri, vei lăng kơ jăp bơ ngai mơ̆t lĕch lơ̆m tơ ring bri đei hơ mơt kơ ŭnh sa bri kơ tang; tơ tom chă ƀôh hơ nih ŭnh sa, hơ vơn khŭl bơ ngai vang jang tang găn păng pĭt tơ păt ŭnh sa bri lơ̆m khei ‘năr kơ đeh hloh, ư̆h kơ lê̆ đei ƀôh ŭnh sa tih; athei đei trong jang păng ling lang jang kiơ̆ tơ klăh kon pơ lei mư̆h kăl; hơ tŏk loi dơ̆ng tơ roi tơ băt, pơ tho hơ tŏk ‘lơ̆ng đon hlôh vao, jang tơ năp lơ̆m tơ drong jang tang găn ŭnh sa, pĭt ŭnh sa bri....

Thuem: Tơ blơ̆