VOV4.Bahnar – Thủ tướng teh đak pơtoi đei hla bar kăl Kơsô̆: 1102 pơtruh ăn rim dêh char, plei tơm lơ̆m Trung ương, rim anih jang kơpal kơ teh đak. Hla bar chih pơkăl: Vă tenh kuăng tang găn, hơmet klaih pơrang jĭ, vei lăng xơđơ̆ng jơhngơ̆m jăn, tơdrong erih Kon pơlei noh adrol hloh, mă blŭng đĭ đăng, rim ƀok Ƀĭ thư anih jang kơpal dêh char, plei tơm, Kơdră Anih vei lăng kon pơlei rim dêh char, plei tơm lơ̆m Trung ương, Ƀô̆ trưởng, Kơdră anih jang tơm, anih jang kơ Khul kơpal teh đak, anih jang đei tơrĕk akŏm pơgơ̆r jang kơjăp, đei jơnei dôm trong pơkăp tang găn păng tơjră pơrang jĭ COVID-19; lơ̆m noh tơrĕk kăp gĭt găh tơdrong pơgơ̆r jang păng hơvơn tơdrong vang jang đơ̆ng kon pơlei; Iŏk xăh, phương, thĭ trâ̆n jing  “anih tơm”, kon pơlei noh “linh”, jing anih tơm pơm jang vă tang găn păng tơjră pơrang jĭ. Tơdrong pơgơ̆r pơm jang noh mă tơm, mă hăt noh tơ̆ minh ƀar xăh, phương, thĭ trâ̆n. Rim anih jang tơm, rim tơring kiơ̆ xơnong jang đei pơjao, tenh kuăng hơmet tơdrong tơjruh, pơgơ̆r jang pran hloh, kơjăp hloh dôm trong pơkăp jang.

Lan chih păng pơre nơ̆r