VOV4.Bahnar - Năr ‘nâu păng tơ ning (‘năr 6 păng 7/8) pơ gơ̆r Đơt 2 ‘măng thi tốt nghiệp THPT sơ năm 2021. ‘Nâu jĭ đe hŏk tro tam mă thi mă ưh ‘nŏh ưh đei kĕ pơm kĕh ƀai thi đơt 1 ki yoa đơ̆ng jĭ Covid-19.

Năr ‘nâu (6/8), đe hŏk tro pơm ƀai thi môn Văn til pơ gê păng pơm ƀai thi môn Toán tơ̆ kơ sơ̆. Tơ ning (7/8), til pơ gê, đe hŏk tro pơm ƀai thi grŭp Khoa học tự nhiên păng grŭp Khoa học xã hội; tơ̆ kơ sơ̆, hŏk tro pơm ƀai thi môn Nơ̆r tĕh đak đe.

Đơt 2 ‘măng thi tốt nghiệp THPT đei 13 Anih pơ gơ̆r thi, hăm 49 anih thi păng 683 lăm thi. Kiơ̆ tơ drong tơ chĕng atŭm, truh dang ei, tơ̆ đĭ đăng anih thi, dôm trong jang tang găn jĭ COVID-19 đei tơ ring hơ met tôch ‘lơ̆ng.

Dơ̆ng: Tơ blơ̆