VOV4.Bahnar - Năr ‘nâu, 22/5, đơ̆ng rŏng kơ hơ met đang rim tơ drong, ‘măng pôk rơih bơ ngai tang măt Kuô̆k hô̆i jăl XV păng Jơ nŭm pơ gơ̆r kon pơ lei jơ̆p tơ ring đơ̆ng 2021-2016 pơ tơm truh hăm dôm tơ ring, anih jang đei pơ gơ̆r hrôih.

Anih pôk rơih hrôih tơ̆ Đak Ung, dêh char Kon Tum

Hăm tơ ring Tây Nguyên, lơ̆m năr ‘nâu, dang 12 rơ bâu ‘nu bơ ngai tăh hla tơ̆ 63 anih pôk rơih găh dôm dêh char Dak Lak, Kon Tum păng Dak Nông, chơt hơ iă bơ̆ jang tơ drong gơ̆h jang đơ̆ng kơ dih kiơ̆ đơ̆ng chĕp kơ phĭu năm pôk rơih, vang tơ gop jơ hngâm pôk rơih đei dôm bơ ngai tang măt rơ gei, đei jơ hngâm đon ‘lơ̆ng mât jang lơ̆m Kuô̆k hô̆i păng Jơ nŭm pơ gơ̆r kon pơ lei jơ̆p tơ ring.

Đơ̆ng rŏng kơ 12 rơ bâu ‘nu bơ ngai tăh hla jang đang hrôih tơ drong gơ̆h jang păng hơ năp athei jang đơ̆ng kơ dih, hlŏh 4 triu 100 rơ bâu bơ ngai tăh hla, hăm vă jê̆ 50 hơ drĕch hơ drung lơ̆m bơ bŭng hnam atŭm Việt Nam oei xa tơ̆ Tây Nguyên, vă năm tăh hla tơ̆ 5.817 anih pôk rơih vă rơih dôm bơ ngai tang măt rơ gei, đei jơ hngâm đon ‘lơ̆ng, mât jang lơ̆m Kuô̆k hô̆i jăl XV păng Jơ nŭm pơ gơ̆r kon pơ lei jơ̆p tơ ring đơ̆ng 2021-2026.

Dơ̆ng: Tơ blơ̆