VOV4.Bahnar  – 'Năr brei (9/6), tơ̆ Hà Nội, Anih tơm Kŏng ang pơgơ̆r hop akŏm Jơnŭm pơgơ̆r chih akŏm Pơjing anih mong tơdrong kăl kơ teh đak găh tơring kon pơlei oei xa păng pơm jang, axong păng vei lăng kăng kuơk kon pơlei. Đăi tuơ̆ng Tô Lâm, Bơngai jang lơ̆m Anih tơm Chĭnh trĭ, Ƀô̆ trưởng Anih tơm Kŏng ang, Anih tơm Kŏng ang, Kơdră Jơnŭm pơgơ̆r tơdrong hop akŏm. Jô̆ truh năr 07/6, hlôi đei hloh 35 trĭu 'nu kon pơlei hlôi đei axong kơsô̆ pơkăp tơ 'ngla. Kơchĕng truh năr 18/6, Anih tơm Kŏng ang gô tơchơ̆t axong pơhlom 90% kơsô̆ pơkăp tơ 'ngla ăn kon pơlei jâ̆p teh đak. Ƀô̆ trưởng Tô Lâm ră hơdăh, Kŏng ang dôm anih jang, dôm tơring ưh gơh pơhơi, lăp đon hăm tơdrong đei jơnei mă athei pơtoi adrin keh đang tơnăp dôm xơnong jang tơlĕch, tơ̆ anăp noh dôm tơdrong jang kăl đơ̆ng dang ei truh năr 1/7, păng dôm tơdrong jang pơtoi hơnơ̆ng đơ̆ng rŏng kơ năr 1/7. Atŭm hăm noh pơkăl Anih tơm Kanh sat bei hơlen hanh chĭnh găh xơđơ̆ng tơpôl pơtoi pơgơ̆r Kŏng ang dôm tơring keh đang tơdrong pơ 'lơ̆ng hla bar chih răk, drơ̆ng minh vă axong kơsô̆ pơkăp tơ 'ngla ăh năr 18/6/2021 kiơ̆ tơchơ̆t pơ 'lơ̆ng tơdrong chih răk truh dang yơ noh axong kơsô̆ pơkăp tơ 'ngla truh dang noh hloi.

Lan chih păng pơre nơ̆r