VOV4.Bahnar - Kiơ̆ kơ sô̆ chĭh jô̆ đơ̆ng rim tơ ring, lơ̆m teh đak đei akŏp kơ sô̆ 69.198.594 ‘nu bơ ngai gơ̆h pôk rơ̆ih bơ ngai tang măt Kuôk hô̆i jăl 15 păng Jơ nŭm pơ gơ̆r kon pơ lei rim tơ ring jăl jang 2021-2026 lơ̆m ‘năr 23/5 truh. Jơ nŭm vei lăng pôk rơ̆ih teh đak ‘nao âu hlôi đei hla ar ăn phep 1,2 tơ ring tăh kơ phiê̆u lơ̆m tơ ring 2 dêh char Kon Tum păng Dak Lak gơ̆h pơ gơ̆r hrôih ƀiơ̆ pơ têng hăm Năr pôk rơ̆ih ‘năr 23/5/2021 hlôi đei Kuôk hô̆i hơ găt ăn. Tơ̆ Kon Tum, Jơ nŭm vei lăng pôk rơ̆ih teh đak drơ̆ng nơ̆r ăn phep rim tơ ring tăh kơ phiê̆u lơ̆m ‘năr 22/5 tơ̆ dôm xăh Ngọc Linh, Mường Hoong, Đắk Man, Đắk Plô, Đắk Nhoong, Đắk Long găh apŭng Đắk Glei păng Kơ đông linh vei lăng sơ lam xăh Đắk Xú kơ xăh Đắk Xú, apŭng Ngọc Hồi hrôih hloh 1 năr pơ têng hăm Năr pôk rơ̆ih lơ̆m teh đak. Tơ̆ Dak Lak, Jơ nŭm vei lăng pôk rơ̆ih teh đak drơ̆ng nơ̆r ăn phep rim tơ ring tăh kơ phiê̆u hrôih ƀiơ̆ 1 năr găh rim khŭl linh ƀô̆ đô̆i lơ̆m apŭng Ea Súp, apŭng Buôn Đôn păng pơ lei tơm Buôn Ma Thuột.

Thuem: Tơ blơ̆