VOV4.Bahnar - Đơ\ng năr 1/8, Ko\ng ty u\nh hơyu\h Dak Lăk hlôi iung jang kơtang lơ\m khei ‘năr đei j^ Covid-19 pơra\m kơtang, sơđơ\ng pơtru\h u\nh hơyu\h lơ\m dêh char. Kiơ\ kơ ‘no\h, m^nh poăt bơngai bơ\ jang đei jang kơtă tơ\ hơn^h jang, pă dôm yơ ‘no\h jang tơ\ hnam kơ d^h hăm kmăi t^nh đei internet.

{ar khu\l au chă tơpl^h d^h băl jang lơ\m 1 gie\ng. Adoi, An^h che\p pơgơ\r tơm Dak Lăk iung jang 3 khu\l 2 hơyu\h bơ\ jang lơ\m 1 năr. Rim kang [o# lăp bơ\ jang đang ‘no\h bro\k v^h pơdơ\h pơ dei tơ\ hơn^h ăn oei hơdro#. Tơ\ 14 an^h jang u\nh hơyu\h hăm khu\l vei lăng jang tơle\ch u\nh hơyu\h tơm dêh char Dak Lăk, jei ăn oei hơdro# tơ\ hơn^h bơ\ jang. Dôm bơngai jang au jei tơklăh 2 khu\l, m^nh khu\l jang hơnơ\ng lơ\m 7 năr păng jang chă tơpl^h d^h băl hơnơ\ng.

Tơblơ\ nơ\r: Amazưt